Góður fundur með ráðherrum

Fjórir stjórnarmenn úr Hagsmunasamtökum heimilanna áttu í morgun fund með Jóhönnu Sigurðardóttur, forsætisráðherra, Steingrími J. Sigfússyni, fjármálaráherra, Guðbjarti Hannessyni, félagsmálaráðherra, Árna Páli Árnasyni, efnahags- og viðskiptaráðherra, og Ögmundi Jónassyni, dómsmálaráðherra.  Ég sat þennan fund ásamt Friðriki Ó. Friðrikssyni, Ólafi Garðarssyni og Andreu J. Ólafsdóttur.  Á fundinum kynntum við okkar hugmyndir og hugmyndarfræði, hvernig við sjáum stöðuna og hvað þarf að gera.  Við þurftum ekkert að gera ráðherrunum grein fyrir alvarleika stöðunnar.  Það vissu þeir mæta vel.

Góður rómur var gerður af málflutningi okkar og mikil áhersla lögð á að halda viðræðum áfram.  Næstu skref verða að fara yfir tölulegar upplýsingar, þannig að tölur okkar og tölur ríkisstjórnarinnar stefndu, og að kalla fleiri að borðinu, þar sem talið er best að sem víðtækust sátt náist um niðurstöðuna með einhvers konar þjóðarsáttarsamningi.

Ég fyrir mína parti er ágætlega sáttur með fundinn og vona að frekari framgangur verði á næstu dögum.  Eitt sem alveg er víst, er að núverandi ástand getur ekki varað lengur.  Mótmælin á mánudag sýndu að þolinmæði fólks er þrotin.  Í dag eru 2 ár frá setningu neyðarlaganna.  Í 2 ár hefur lítið verið gert fyrir fólkið í landinu, annað en að fresta vandanum eða koma með úrræði sem eiga að flýta fyrir eignamissinum.  Við svo má ekki búa.

Ákveðið hefur verið að halda samræðum áfram.  Báðir aðilar tóku með sér heimavinnu og er þeirra verkefni stærra en okkar, þ.e. að fá fjármálafyrirtækin og lífeyrissjóðina til að vera með.  Okkar verkefni er að leggjast betur yfir tölur og átta okkur á hvað í þeim felst.  Ég vona að þeirri vinnu verði lokið snemma í næstu viku og þá verður hægt að funda að nýju.

Fundað þar til eitthvað liggur á borðinu

Athugasemdir

[Magnús Sigurðsson, 6.10.2010 kl. 14:01]

Hann virðist svolítið sérstakur þessi góði fundur Marinó, halda eigi umræðunni áfram, kalla fleiri að borðinu og hittast eftir helgi.  Tilögur HH hafa verð kunnar í næstum tvö ár og í jafnlangan tíma hefur vandi heimila og fyrirtæka legið fyrir.  

Það verður aldrei sátt á Íslandi um annað en almennar aðgerðir og það liggur ekkert annað fyrir en að framkvæma þær tafarlaust.  Svo geta menn velt vöngu yfir hugmyndum Jóhönnu um kaupleigurétt og félagsleg úrræði þar sem almenn leiðrétting skulda dugir ekki til.

[vj (IP-tala skráð) 6.10.2010 kl. 15:00]

Takk kærlega fyrir þetta Marinó
Það er ekki laust við að maður öðlist smá von, ekki síst
fyrir þau orð þín að þú sért ánægður með framgang þessa fundar.
Vona innilega að þetta sé ekki bara 'að setja í nefnd' afgreiðsla og
ekki að ástæðulausu sem maður hefur áhyggjur af því að þetta fái lítinn framgang. Ég held að það sé 0 þolinmæði gagnvart öllu nema beinum framkvæmdum og aðgerðum annars er bara búm búm handan við hornið.

[Dísa (IP-tala skráð) 6.10.2010 kl. 15:38]

Sæll Marinó,

Er Íbúðalánasjóður tekinn með í þessu dæmi og gera stjórnvöld sér grein fyrir því að okkar kröfur ganga yfir þá líka ekki bara bankana?

[Hrafn Arnarson (IP-tala skráð) 6.10.2010 kl. 15:49]

Gott að heyra þetta. Við lifum í voninni. Málið er afar brýnt , vægt til orða tekið. Við höfum séð það á síðustu dögum að mjög hættulegt ástand getur skapast í landinu ef ekki er gripið í taumana.

[Axel Pétur Axelsson, 6.10.2010 kl. 17:22]

Að ná samningum um tillögu HH er mikilvægasta mál á Íslandi í dag. Í mínum huga er annað hvort að þetta takist núna með HH eða byltingin hefst án neyðarhemils . . .

[Gunnar Skúli Ármannsson, 6.10.2010 kl. 17:55]

Sæll Marinó,

ég vona svo innilega að alvara sé ferð, það sem ég óska eftir er stopp á uppboðin, var það ekki rætt?

[Gunnar Heiðarsson, 6.10.2010 kl. 17:59]

Gott að heyra Marinó, þið verðið bara að passa ykkur á að ekki sé verið að nota ykkur. Tillögur HH hafa verið kunnar um langan tíma, því ætti að vera ljóst eftir fyrsta fund með öllum sem að málinu þurfa að koma, hvort viljinn er til staðar. Næsti fundur ætti því að gefa svarið. Ef menn vilja fara að endurreikna allar stærðir eftir þann fund er ljóst að ekki mun nást samstaða um ykkar tillögur.

[Elle_, 6.10.2010 kl. 18:10]

Get ekki nema efast fullkomlega um vilja Jóhönnustjórnarinnar.  Met það sem þið eruð að gera, Marinó, þó held ég þau ætli bara að draga menn á platfundum.  Þau lofuðu AGS nánast að fjölskyldum yrði kastað út í lok október og gjaldþrota fólkið líka rukkað fyrir ólöglegt ICESAVE.      

[sr (IP-tala skráð) 6.10.2010 kl. 19:13]

Tek undir með efasemdarröddunum hér að ofan. Legg til að HH haldi áfram með

1. Skipuleggi framboð eða stilli sér upp með einu sem aldrei verður kennt við fjórflokkinn.

2. Undirbúi málaferli erlendis.

Það sem við blasir eru einungi útúrsnúningar, undanbrögð og hefðbundið fálm alþingis. Þegar svo bönkum og lífeyrissjóðum er bætt við er þetta andavana borið. Ég satt best að segja undrast sáttfísi HH, tillögurnar hafa legið fyrir síðan 2008. Tölurnar liggja fyrir. Ef viljinn væri raunverulega fyrir hendi þá væri hann löngu kominn fram.

[Ólafur Garðarsson (IP-tala skráð) 6.10.2010 kl. 19:25]

Ég sé á athugasemdum hér að margir eru að hugsa á sömu nótum og mörg okkar í stjórn HH. Við viljum ekki láta nota okkur í friðþægingar eða kaupa frest fyrir ríkisstjórn (þessa eða aðrar). Ég er meira efins um ásetning ríkisstjórnarinnar heldur en Marinó og vil sjá mun sterkari yfirlýsingar og ákveðni heldur en kom fram á þessum fundi. Ég tel mikilvægt að almenningur haldi áfram að þrýsta á stjórnvöld og fjármálakerfið. Það hefur ekkert enn gerst sem gefur tilefni til sérstakrar bjartsýni. Fólk er búið að fá upp í kok af innantómum frösum og loforðum. Við viljum fá frið með heimilin okkar. Þau eru ekki í boði til að borga fyrir þetta grefils hrun heimskulegra fjármálastofnana.

[Axel Pétur Axelsson, 6.10.2010 kl. 19:39]

Þetta er eðlilegt mat hjá þér Ólafur byggt á fyrri reynslu, hins vegar er HH síðasta hálmstrá alþingis og kerfisins áður er bylting hefst í landinu, sem þýðir að HH á að hafa mjög sterka samningsstöðu. Ég er líka sammála Marinó að tala við stjórnvöld.

Að því sögðú verður allt gert til að reyna að snúa út úr því sem HH leggur til og stendur fyrir, nú reynir á að standa fast á sínu.

[Óskar Helgi Helgason (IP-tala skráð) 6.10.2010 kl. 20:12]

Heill og sæll; Marinó  - og aðrir gestir þínir, hér á síðu þinni !

Þakka ykkur fyrir; Friðrik - Ólafi og Andreu, óbilandi baráttuna, í þágu fjölskyldnanna, í landinu, sem og einbúanna, jafnframt.

En; gætið ykkar á, einhverju því falskasta og undirförulasta fólki, sem nú situr, í Stjórnarráði Íslands.

Baráttunni; er svo sem, hvergi nærri lokið. Byltingin; er vonandi, handan við hornið, gott fólk.

Gangi ykkur vel; á komandi misserum, Marinó.

Með beztu kveðjum, sem jafnan /

Óskar Helgi

[Hólímólí (IP-tala skráð) 6.10.2010 kl. 20:14]

Er dauðhræddur um að Elle hafi rétt fyrir sér. Dauðhræddur um að málin séu frágengin og að þetta sé bara leiksýning hjá leikþrota ríkisstjórn til að róa liðið.

[Ágúst (IP-tala skráð) 6.10.2010 kl. 20:28]

Sæll Marínó,

Er það rétt að ríkisstjórnin vilji einungis þá leiðrétta verðtryggð lán. Hvað með gengistryggðu lánin? Það verður engin sátt með að neysluvextir (lægstu vextir seðlabankans) verði notaðir.

Þessi stjórn er á skilorði og þau eiga ekki að fá að nýta sér samtökin til þess að sefa almenning.

Kveðja

[Kristinn M Jónsson (IP-tala skráð) 6.10.2010 kl. 20:35]

Kæru stjórnarmenn HH. Er eitthvað nýtt undir sólinni ? Tala ekki staðreyndirnar sínu máli, 50.000 heimili í sárum vanda og fólk á ekki fyrir nauðþurftum. Er HH  komið út á hálan ís ?  "samræður" og "heimavinna" það er þátíðin...

Ég deili efarsemdar-skoðunum fólks hér að ofan t.d. Elle og Gunnari.

Vil samt þakka alla þá óeiingjörnu og fórnfúsu vinnu ykkar.

Í guðana bænum ekki flækja HH í fölskum vef ríkisstjórnarinnar.

[Benedikt Helgason (IP-tala skráð) 6.10.2010 kl. 20:39]

Það er sjálfsagt fyrir HH að reyna þessa leið en auðvitað er traust til þessarar ríkisstjórnar ekki mikið.  En annað hvort ná menn þjóðarsátt um þessi mál á næstu 10 dögum eða setja allt í bál og brand.

Ég tek hins vegar hattinn ofan fyrir HH.  Samtökin hafa haldið haus í gegnum allt ferlið og aldrei panikkað þó að oft hafi verið minna tilefni til bjartsýni en núna.

[Hólmfríður Bjarnadóttir, 6.10.2010 kl. 20:54]

Frábært að nú er loks farið að hlusta af alvöru á ykkar tillögur. Ykkar vinna er ÓMETANLEG FYRIR ALMENNING Í LANDINU

[Hrannar Baldursson, 6.10.2010 kl. 21:37]

Ég er afar stoltur yfir að hafa unnið aðeins með ykkur hjá HH áður en ég flutti úr landi. Það má taka fram að öll vinna HH síðustu tvö árin hefur verið unnin í sjálfboðavinnu og að þetta félag er byggt upp af ósköp venjulegu fólki sem vill verja eigin heimili og annarra, með skynsemi og almannaheill að leiðarljósi.

Það má alltaf vona að ríkisstjórnin hafi loks vaknað af Þyrnirósarsvefni, og vonandi að það sé ekki orðið of seint.

[Aðalsteinn Agnarsson, 6.10.2010 kl. 21:52]

Marinó, fátæk þjóð gæti bjargað sér,

með frjálsum handfæra veiðum,

en Jóhanna gleymdi loforði sínu við þjóðina,

frjálsar handfæra veiðar.

Ég bið þig Marinó,  að minna Jóhönnu á þetta.

[Marinó G. Njálsson, 6.10.2010 kl. 22:29]

Ég þakka góðar athugasemdir og stuðning við okkar vinnu.

Ég viðurkenni fúslega, að ég veit ekkert hvað kemur út úr þessari vinnu.  Við erum þó að reyna og það er meira en ýmsir aðrir eru að gera hér í þjóðfélaginu.  Nú erum við komin að borðinu og miðað við stöðuna í þjóðfélaginu þá er nauðsynlegt að eitthvað komi út úr þessu.  Ég verð þó að viðurkenna, að mér fannst Steingrímur fara villu vegar í Kastljósþætti kvöldsins.  Almenningur má aldrei sætta sig við stökkbreytingu lána sinna, þar sem hún varð vegna svika, lögbrota og pretta fjármálafyrirtækja og eigenda þeirra og vegna misheppnaðrar tilraunar bankanna og stjórnvalda til að bjarga löngu föllnu bankakerfi.  Ef ríkisstjórn Geirs H. Haarde og Ingibjargar Sólrúnar Gísladóttur hefði haft kjark til að taka yfir Glitnir og Kaupþing 2007 og Landsbankann á vormánuðum 2008, þá væri margt öðruvísi í dag.  Skattgreiðendur munu þurfa að greiða fyrir það næstu áratugina vegna himin hárra skulda ríkissjóðs og það er alveg nóg.

Annars er ég ennþá bjartsýnn en það getur brugðið til allra átta. 

[Einar Björn Bjarnason, 6.10.2010 kl. 22:51]

Marinó G. Njálsson, 6.10.2010 kl. 22:29

----------------------------------------

----------------------------------------

Gaman að rekast á þig þarna í mannmergðinni, dynjandi trumbuslættinum, fyrir framan Alþingi.

Ég vil benda þér á neðangreint. En, skv. 3. áfangaskýrslu AGS, er 45% lánasafns bankanna "non performing".

Á sama tíma eru þeir sagðir að meðaltali hafa 17% eiginfjárhlutfall.

Við vorum með bankamann í heimsókn á málefnafund í síðustu viku hjá Framsókn, og hann taldi þessar tölur þíða, að nauðsynlegt væri að framkvæma aðra endurskipulagningu bankakerfisins, nánar tiltekið búa til Nýja Landsbankann 2 - gera Nýja Landsbankann að "bad bank".

Svo alvarleg væri staðan. Miðað við þessar upplýsingar held ég að skortur á aðgerðum frá bönkunum, til handa fjölskyldum stafi af því, að eiginfé þeirra er í reynd ekkert - þ.e. sennilega nær því að vera neikvætt en jákvætt.

Það kemur heim og saman við hegðun þeirra:

1. Afskrifa einungis skuldir sem þeir vita að eru óinnheimtanlegar.
2. En, ríghalda í allt annað - verða í reynd blóðsuga á hvort tveggja í senn, atvinnulífinu og almenningi.
3. En, miðað við sína stöðu, verði þeir að kreysta hverja krónu sem þeir geta úr öllu og öllum - sem er akkúrat þ.s. þeir hafa verið að gera.

• Því miður held ég að þú og þið munið ekki hafa erindi sem erfiði, einfaldlega vegna þess að bankarnir þurfa annað af tvennu - stóra eiginfjárinnspýtingur eða að fara í gjaldþrotameðferð.
• Ríkisstjórnin sé ekki enn til í að viðurkenna, að endurreisnin sé runnin út í sandinn.
• En, í tengslum við endurskipulagningu, væri hægt að finna leið tel ég, til að afskrifa í eitt skipti - kannski 30-40%.
• En, þá þarf á móti, að færa yfir innlán sennilega á genginu 0,5.

------------------------------Tekið úr bloggfærslu minni:

Skoðið nýjustu AGS skýrsluna: IMF Staff Report Iceland Third Review

Kíkjið á bls. 45 í AGS skýrslunni, og sjáið töfluna - "Non performing loans stay at a high level".

• Skv. eru 45% lána í bankakerfinu í veseni þ.e. "non performing".

• Þ.e. einungis með því að spila þann þykjustu leik að þau hafi það skráða virði þ.e. 45% af virði heildarklána, sem bankarnir geta skoðast með jákvæða eiginfjárstöðu.

• En eins og sést aðeins neðar á sömu bls. er meðal-eiginfjár staða þeirra 17%.

• Skoðið síðan bls. 52 í AGS skýrslunni, og takið eftir neðst á þeirri bls. vinstra megin, þ.e. rauða ferlinum. Þ.e. eina skiptið í skýrslunni, þ.s. AGS kýs að sýna með nokkrum hætti, hvað gerist ef ekki verður af álverum.

• Einhverra hluta vegna, kjósa þeir síðan ekki aftar í skýrslunni þ.s. þeir keyra nokkur tilbrigði, að keyra horfur Íslands án álversframkvæmda - sbr. "DEBT SUSTAINABILITY ANALYSIS" frá bls. 76.

• Einhver óljós grunur kemur að mér, að ég viti af hverju þeir kjósa ekki að birta í skýrslunni sinni, keyrslu á framvindu á grunni þess tilbrigðis :)

Kv.

[Axel Pétur Axelsson, 6.10.2010 kl. 23:25]

Hvað er verið að leyfa svona gjaldþrota liði í bönkunum sem jafnvel hefur brotið öll lög um starfsemi sína, að herja á saklaus heimili landsins, þessa banka á að setja beint á hausinn og segja öllu starfsfólki upp.

Spurning hvort það þurfi að stöðva þessa glæpastarfsemi með handafli ?

[Einar Björn Bjarnason, 6.10.2010 kl. 23:46]

Sæll Axel - er að leita mér upplýsinga um bankakrísur, datt niður á þetta plagg, um bankakrísu í Asíu:

http://www.eastwestcenter.org/fileadmin/stored/pdfs//api078.pdf

Taktu eftir "percentage of bad loans" sem ég set fyrir aftan!

Hjá okkur 45% akkúrat núna!

Bangladesh 1985–1996 20

China 1990– 50

Indonesia 1997–2002 70

Japan 1991– 35

Korea 1997–2002 35

Malaysia 1997–2001 30

Nepal 1988                29

Philippines 1983–1987 19

Philippines 1998– 20

Sri Lanka 1989–1993 35

Taiwan 1997–1998 26

Thailand 1997–2002 33

Vietnam 1997– 18

Áhugaverður samanburður - ekki satt?

[Hrólfur Þ Hraundal, 7.10.2010 kl. 01:13]

Nenni ekki að legja hér til mála þar sem ég tel að þú sert rola af sama kaliberi og Jóhanna og hin fláráða skástífa hennar.

[Óskar Helgi Helgason (IP-tala skráð) 7.10.2010 kl. 01:25]

Komið þið sæl; á ný !

Hrólfur vélfræðingur !

Sízt af öllu; átti ég von á þessu kaldranalega viðhorfi þínu, til Marinós; þér, að segja. 

Öll þau skeyti; sem Hagsmunasamtök heimilanna (HH), jafnt til mín - sem og annarra, í tölvupóstum auk þrotlauss starfs Marinós - og annarra félaga ýmissa, í HH, afsanna þessa ódrengilegu aðför þína, að Marinó G. Njálssyni, Hrólfur vélfræðingur.

Ættir; að biðja hann afsökunar, á þessu frumhlaupi þínu, ágæti drengur.

Með; ekki lakari kveðjum, en þeim fyrri /

Óskar Helgi

[Dingli, 7.10.2010 kl. 02:24]

Sæll Marinó

Við þurftum ekkert að gera ráðherrunum grein fyrir alvarleika stöðunnar.  Það vissu þeir mæta vel.

Það er einmitt það! OG, RÍÓ hefur vitað þetta í tvö ár. Eina ástæðan fyrir samningsvilja nú er að AGS og RÍÓ óttast uppreisn. Mest af öllu óttast þó forustulið glæpafélagana þá skelfilegu staðreynd, að mögulega geti nýstofnuð samtök heiðarlegs fólks tekið hér völdin.

Steingrímur hefur sannað sig sem heimsklassa lygalaupur og Jóka sannaði það svo sannarlega á mánudagskvöldið, að hún er veruleikafyrtur asni, þvælandi um álver í Helguvík og að vandi þeirra sem hefðu minni ráðstöfunart. en 160.000kr á mán væri stökkbreyting lána!

[Magnús Sigurðsson, 7.10.2010 kl. 07:42]

Ég vona svo sannarlega að það sé innistæða fyrir bjartsýni Marinó.  HH er að verða einn af fáum skipulegum málsvörum almennings. 

Það sem ég hjó eftir í fréttum í gær að það virðist vera lagt upp með 18% leiðréttingu, 01.01.2008 leiðrétting virðist því ekki vera upp á borði.  Steingrímur útlistaði gjaldþrot ríkissjóðs við 10% almenna leiðréttingu í Kastljósi í gærkveldi.

Þið í HH hafið unnið gríðarlega óeigingjarnt starf og eruð ein helsta von heimila því yrðu það gífurleg vonbrigði ef þið létuð fláráða stjórnmálamenn, sem hafa notað öll meðul til að sundra skudurum, slá sér upp á ykkar kostnað.  Gangi ykkur vel.

[Marinó G. Njálsson, 7.10.2010 kl. 07:55]

Magnús, ef sett er 4% þak á verðbætur afturvirkt til 1.1.2008, þá nemur það að um 18-20% hafi lagst ofan á lánin umfram þessi tvisvar 4%.  Breyttu því í afslátt og þá færðu eitthvað lægri tölu.

[Einar Björn Bjarnason, 7.10.2010 kl. 11:23]

Hef heyrt þann nasí orðróm, að ástæða þess að bankarnir hafa verið að reka fólk úr íbúðum sínum í stórum stíl, sé vegna þess að þeir séu að ræða við hugsanlega ofsaríka kaupendur sem hafa einhver plön um íbúðahúsnæði.

Það þarf þó ekki að vera neinn fótur fyrir þessu.

En, þetta er þó "consistent" við þá hegðun að tæma íbúðirnar.

Kv.

[Bernharð Hjaltalín, 7.10.2010 kl. 12:58]

Sæll Marinó og þið öll,ég lennti í vandræðum 1995 samdi með nauðarsamningum

fékk niður fellingu frá innheimtustofnun sveitarfélaga þetta tók mig um áratug.

og í dag tel ég mig heppnan að hafa farið þessa leið,Mjög erfitt var að fá lögmann þar sem margir eru áskrifendur af dánarbúum,bústjórar vegna gjaldþrota, eða fá að gefa ráðgjöf til ráðuneyta og fl.

Nauðsynlegt er að gefa Jóhönnu og Steingrími 2-3.vikur annars kemur þungavigtarliðið á austurvöllinn. SP eru að fara að borga út fyrsta áfangana vegna

gengistrygða lána. Það þarf að tímasetja aðgerðir Marinó, og flokka þannig að

þeir verst settu fái úrlausnir fyrir jól, það styttist í jólin.

[Billi bilaði, 7.10.2010 kl. 13:50]

Takk fyrir þína baráttu, Marínó.

[Lísa Björk Ingólfsdóttir, 7.10.2010 kl. 20:45]

Sæll Marínó.

Er eitthvað tekið á málefnum þeirra sem ekki hafa lengur atvinnu og geta ekki greitt af lánum þó svo þau séu leiðrétt? Eða er þessi vinna bara fyrir þá sem enn hafa tekjur? 40 þús eru án atvinnu, jafnvel fleiri ef talið er mergðin sem hefur farið í Háskólana. Enn eru fjöldauppsagnir og niðurskurður í gangi. Leiðrétting lána gagnast ekki þessu fólki lengur. Hver ver hagsmuni þess? Þetta eru heimili líka?

[Marinó G. Njálsson, 7.10.2010 kl. 21:44]

Lísa Björk, meðan við höfum aðkomu að þessu, þá munum við halda á lofti kröfum um að tekið verði tillit til allra hópa, sem lent hafa illa út úr hruninu.

[Einar Björn Bjarnason, 7.10.2010 kl. 22:06]

Marinó G. Njálsson, 7.10.2010 kl. 21:44 :
______________________________

Hvernig lýst þér á neðangreinda hugmynd?

Ég hef efasemdir um að 20% dugi eins og komið er til að slá með þeim hætti á fj. þeirra er fara í þrot, að ástandið lagist með einhverjum dramatískum hætti.

Þ.s. þarf að gera er að umbreyta Íbúðalánasjóð í umsýslustofnun um ibúðahúsnæði.

Bann við því að úthýsa fjölskyldum sé framlengt til 5 eða 10 ára (kannski 10 nær lagi).

Íbúðalán, verði færð úr gjaldþrota NLB yfir í íbúðalánasjóð.

Bannið við að úthýsa fólki, verði hvatning til Arion banka og Íslands banka um að semja við ríkið um yfirtöku íbúðalána þeirra svo þau lán verði einnig færð yfir í Íbúðalánasjóð.

• Tilkynna ummæli! - Synja ummæli
• Slóð

• * Spurning er hvort að Íbúðalánasjóður verði formlegur eigandi eigna eða ekki, eins og lána. En það væri heppilegra fyrirkomulag, þ.s. ríkið á þá eignirnar sem tryggingu þeirra lána á sama tíma og það verður þá einfalt fyrir það, að bjóða leigu á móti.
• Að auki skiptir það máli fyrir greiðslugetu ríkisins horft á í heild eigna vs. skuldastaða þess.
• Leiga miðist við greiðslugetu viðkomandi en ekki markaðleigu. Engum sem leigi frá Íbúðalánasjóði skv. þessu fyrirkomulagi, verði settur á guð og gaddinn.
• Þegar tímabili er lokið þ.e. eftir 5 eða 10 ár, hvor tímalengd er verður ofaná, þá fái fólk val um:

1. Kaupa húsin sín aftur gegn nýju láni.
2. Leigja áfram, en þá gegn markaðsleigu.

• En ég reikna með - segjum eftir 10 ár, þá verði hagkerfið búið að rétta við sér, tekjur almennings hafi batnað, greiðslugeta orðin allt önnur og betri en í dag.

Kv.

[Elle_, 8.10.2010 kl. 12:39]

Get ég bent á færslu Ómars Geirssonar og þó sérstaklega comment no. 1 og 3 þar sem m.a. segir: - - einu úrræðin sem stóðu mér til boða voru beinlýnis að gera með ófjárráða , skamta mér örfáum þúsundköllum í mat á mánuði og resst átti bara að pína mig til að borga í skuldir. - - -  Af hverju er ekki alltaf eitt til fimm þúsund athugasemdir við hverja bloggfærslu hjá hinum ötula baráttumanni Marínó Njálssyni???? - Og þá fengi þjóðin að heyra falsið og rangfærslurnar á bak við stefnu ríkisstjórnarinnar.

Er fávitahátturinn algjör????

[Lísa Björk Ingólfsdóttir, 8.10.2010 kl. 15:26]

Takk fyrir svarið Marínó. Hef miklar áhyggjur af þeim hópi fólks sem vegna hruns gætu ekki einu sinni farið úr húsum sínum yfir á leigumarkað vegna lágrar framfærslu.

[Guðmundur Ásgeirsson, 9.10.2010 kl. 13:11]

Loksins núna vilja þau hlusta þegar hinn valkosturinn er það þau verði borin út úr þinghúsinu og varpað í höfnina.... iss.

Marinó, ég styð ykkur í HH fullkomlega og finnst alveg sjálfsagt að það sé talað við stjórnvöld á meðan þau sýna vilja til samstarfs.

En í öllum bænum passið ykkur að verða ekki leiksoppar í einhverju sjónarspili sem engu skilar.

Um leið og 10.000 manns hafa verið settir út á gaddinn verður óhjákvæmilegt að afstýra byltingu, það er einfaldlega tölfræðileg niðurstaða sem byggir á lærdómi sögunnar af uppreisnum, byltingum og borgarastyrjöldum, heimfærð upp á íslenska höfðatölu. Miðað við fjölda þeirra sem mótmæltu á Austurvelli í byrjun vikunnar erum við samkvæmt því hættulega nálægt því að friðurinn í samfélaginu rofni, sem yrði engum til góða, en getur samt eins og áður sagði reynst óhjákvæmilegt. Ég er alveg hlynntur byltingu ef hún reynist algjörlega nauðsynleg, en vil samt síður að slíkar aðstæður komi upp.