Ef menn brigðust jafn hratt við málum hér innanlands

Það er forvitnilegt að sjá, að viðbrögð íslensku ríkisstjórnarinnar vegna kjarnorkutilraunar Norður Kóreumanna voru komin í morgunfréttum útvarpsstöðvanna.  Á sama tíma er ekki hægt að sýna nein viðbrögð vegna hins sífellt versnandi ástands hér innanlands.  Er það kannski bara þannig að menn hafa engin úrræði við erfiðleikum heimilanna og atvinnulífsins og þurfa því að fella pólitískarkeilur á kostnað fjarlægra þjóða?  Ég held að Össur ætti frekar að huga að íslenskum börnum sem þurfa fjárstuðning ókunnugra til að geta fengið mat í skólanum sínum, en að velta fyrir sér í hvað Norður Kórea notar peningana sína.

Sjálfum finnast mér þessar tilraunir N-Kóreu vera meiður af sömu typpasýningu og aðrir einræðisherrar og ráðmenn austanhafs og vestan hafa viðhaft undanfarna áratugi í þeirri von um að einhver taki mark á þeim.  Þ.e. flótti frá því að takast á við raunveruleg vandamál þegnanna.

Ættu frekar að fæða fólk sem lifir við hungurmörk

Athugasemdir

[Páll A. Þorgeirsson (IP-tala skráð) 25.5.2009 kl. 14:58]

Góð ábending hjá þér.  Össur ætti að líta sér nær.

[Hörður Valdimarsson, 25.5.2009 kl. 16:18]

Fullkomlega sammála þér. Það er eins og að þessir stjórnmálamenn séu allir jafn vitlausir. Þeir virðast allir hoppa þegar kanar hoppa. Heyrði það nákvæmlega sama frá pestinni hérna í danmörku. Það væri gaman að velta fyrir sér hversu margir lifa undir hungurmörkum í drauma landinu ameríku.

[EE elle (IP-tala skráð) 25.5.2009 kl. 16:30]

Dagsatt Marinó.  Foreldrar flýja úr landinu með börnin sín.  Það finnst þeim ekki skammarlegt.

[EE elle (IP-tala skráð) 25.5.2009 kl. 16:44]

Hins vegar Hörður, kemur þetta ekkert Bandaríkjunum við.

[Arinbjörn Kúld, 27.5.2009 kl. 01:08]

Ég held það Marínó, ríksistjórnin veit ekki hvað hún ætti eða á að gera annað sem það sem AGS segir henni að gera. Fyrir okkur sem þjóð og ríkisstjórnina sem ríkisstjórn þá er ástand sem þetta fordæmalaust og eðlilegt að ríkisstjórin sé ráðalaus. En það þýðir ekki að við hættum öllu andófi, þvert á móti. Við eigum að eflast og krefjast aðgerða sem koma okkur vel sem ein þjóð í einu landi, samfélag manna og kvenna sem byggja vill landið á grunni réttlætis og lýðræðis. Aðgerðum sem miða að vernda hag erlendra fjármagseigenda, jöklabréfaeigendur og erlendum lánadrottnum gömlu bankana eigum við að hafna algerlega.

Kveðja að norðan.

[Hörður Valdimarsson, 27.5.2009 kl. 09:27]

Það kann vel að vera EE elle. Mér sýnist þó að þessir réðherrar okkar á Íslandi og þeir réðherrar í Danmörku séu almennt ekki að tjá sig um hluti nema kanar hafa farið á undan. Kannski eru þeir að reyna að ná sér í prik í kanalandi. Einu undantekningarnar eru kannski Ísrael.

[Hlédís, 27.5.2009 kl. 11:06]

Ísrael þarf ekki að NÁ sér í prik í BNA!

Sammála þér, Marínó, um silagang og aðgerðaleysi ráðamann við okkar brýnustu vandamál.