Olíufatið lækkar úr 96 USD í 44 USD en dollarinn styrkist

Svona til að hafa samanburðinn sanngjarnan, þá hefur olíufatið lækkað úr 96 USD (3. okt) í 44 USD (5. des) (Brent Norðursjávarolía).  Á sama tíma hefu USD styrkst um 9,4%.  Við höfum því 54% lækkun á heimsmarkaði og 9,4% styrkingu USD gagnvart krónunni.  96 USD 3. okt var nálægt því 10.560 IKR og 44 USD eru nálægt því 5.324 IKR.  Munurinn er rétt um 50%.  Verð á bensíni lækkar um 38,90 IKR eða eitthvað um 22%.  Ef við drögum bensíngjaldið, sem er kr. 52,58, frá verði á dælu, þá fáum við að verð án bensíngjalds (og vsk. vegna bensíngjalds) var kr. 122,4 í byrjun október og samsvarar 38,90 kr. lækkun því 32% lækkun.

Ef kostnaðarverð hefur lækkað um 50% og sá hluti bensínverð sem ræðst af kostnaðarverði hefur lækkað um 32%, þá sýnist mér sem álagning hafi eitthvað hækkað.  A.m.k. er verð á dælu hér á landi ekki að taka mið af breytingu á kostnaðarverði/heimsmarkaðsverði.

N1 lækkar eldsneytisverð

Athugasemdir

[b-vakt, 6.12.2008 kl. 14:57]

Ef þú tekur föstu 70 krónurnar sem ríkið fær hlítur lækkunin hjá N1 að vera meira í prósentum. Því þær lækka ekki um 50% eins og verðið á olíunni og álagningu olíufélaganna.

[Marinó G. Njálsson, 6.12.2008 kl. 15:09]

b-vakt, ég held að samanburður minn sé eins sanngjarn og hægt er.  Ég tek bensínverð á dælu 1. okt. upp á kr. 175 og dreg frá því vörugjald á bensín með virðisaukaskatti upp á kr. 52,48.  Það þýðir að sá hluti verðsins, sem ræðst af innkaupsverði, var kr. 122,52.  Því næst reikna ég út hvað lækkun upp á kr. 38,90 er hátt hlutfall af kr. 122,52 og fæ út u.þ.b. 32%.  Þessar kr. 38,90 innifela virðisaukaskatt og því var lækkun olíufélaganna bara kr. 31,25 en auk þess lækkaði hlutur ríkisins um kr. 7,65.  Ég er að bera saman epli og epli, en þú ert að bera saman epli og appelsínu.

[b-vakt, 6.12.2008 kl. 15:29]

Mhmmm... Mér finnst appelsínur góðar.

[Arnór Baldvinsson (IP-tala skráð) 6.12.2008 kl. 19:00]

Sæll Marinó,

Bara svona til gamans, þá var verðið á 87 okteina bensíni hér í Port Angeles $2.07 pr. gallon þegar ég tók bensín síðast eða $0.5468 pr. lítra.  Samkvæmt genginu á mbl.is, 126,49, þá var bensínverðið hér um síðustu helgi 69,17 kr/lítra. 

Þannig sýnist mér að við séum að borga um helming af því verði sem er borgað á Íslandi.  NB:  Þegar við fluttum í September var verð á 87 okteina bensíni í Kaliforníu hæst rétt rúmir 5 dollarar pr. gallon, lægst í Texas eitthvað um 3.7-3.8!  Ég held að við höfum borgað rétt um 4.2 dollara pr. gallon að meðaltali. 

 Kveðja frá Port Angeles