Hreint út sagt óheppileg tímasetning

Olíufélögin hafa hækkað eldsneytisverð um 2 kr. samkvæmt fréttinni.  Á sama tíma og þau gera þetta, þá hefur krónan styrkst um rúm 2% frá opnun í morgun og tunnan á hráolíu er komin niður fyrir 122 USD.  Vissulega hefur krónan verið að veikjast undanfarna daga, en olíutunnan hefur á sama tíma lækkað mikið og stendur þegar þetta er ritað í 121,57 USD.

Eldsneytisverð hækkar

Athugasemdir

[Balsi (IP-tala skráð) 29.7.2008 kl. 14:38]

Krónan er reyndar búin að styrkjast um 3,55% í dag.

[Hagbarður, 29.7.2008 kl. 14:41]

Sammála þér að tímasetningin er óheppileg. "Light sweet" komið í $121 (2,5%) lækkun og Brentið í $122 þegar þetta er skrifað. Krónan að styrkjast um 3,5%. Dettur helst í hug að þetta sé "innsláttarvilla" hjá olíufélögunum. Verðið hefði átt að lækka.

Finnst að Neytendasamtökin ættu að halda úti síðu þar sem hægt væri að fylgjast með þróun eldsneytisverðs hér heima í samanburði við verð á tunnu t.d. í Rotterdam kl. 12:00 og daglegu lokagengi $ eða gengisvístölunnar. Fróðlegt að fylgjast með hvernig þetta heldist í hendur og hvort að tímatafirnar væru eins þegar verð hækkar eða þegar verð lækkar.

[Marinó G. Njálsson, 29.7.2008 kl. 14:42]

Ég býst við að það fari eftir því hver mælir.  Ég styðst við upplýsingar frá Glitni.

[Spurningamerki (IP-tala skráð) 29.7.2008 kl. 14:45]

Legg ég hér með bölvun á alla þá sem taka þátt í þeirri ákvörðun að hækka eldsneytisverð hér á landi og er ég illa svikinn ef ekki færi allt á versta veg hjá þessum mönnum í nánustu ramtíð. Ég er orðinn hundleiður á þessum yfirgangi þessara manna og það þarf enginn að segja mér að þessir menn beri hag viðskiptavinarins fyrir brjósti. Nú er nóg komið, endalaust hægt að koma með rök fyrir hækkunum og svo þegar loks gefst tími til að lækka aðeins að þá gerist hið þveröfuga. Ég geri mér grein fyrir því að ég þekki ekki alla þætti sem koma að verði á olíunni hér á landi en er farinn að sjá það að það skiptir engu máli hvað gerist á heimsmarkaðinum, ef verðið lækkar er komið af stað einhverjum tilboðsdögum á olíustöðvunum sem ná yfir næstu tvo daga og svo er bara hækkað aftur og beðið þangað til heimsmarkaðsverðið hækkar aftur. Þetta endar bara á einn veg og það er að fólki fer að verða nóg boðið og þá er spurning hvort þessir menn verða öruggir heima hjá sér...

[Marinó G. Njálsson, 29.7.2008 kl. 15:36]

Jón Frímann, ég gaf þennan tengil upp um daginn, en hér er hann að nýju

Olíuverð