Arsenal - Góðir, betri, bestir

Magnþrungnum leik lokið á þann eina hátt sem þetta gat endað.  Chelsea fór varla af sínum vallarhelmingi í fyrri hálfleik og þó þeir hafi bitið aðeins frá sér í þeim seinni, þá var það sambland af heppni Chelsea og klaufaskap Arsenal sem gerði það að verkum að leikurinn endaði bara 1 - 0.  2 til 3 gegn engu hefði gefið betri mynd af gangi leiksins.

Það var gott að sjá Cesc, Hleb og van Persie aftur, en Flamini var án efa bestur í lið Arsenal.  Einnar snertingar boltinn var kominn aftur og skil ég ekki hvað Diarra er að kvarta yfir að komast ekki í liðið.  Hann getur kannski kvartað, þegar hann er búinn að læra að gefa boltann strax á næsta mann.

Þó að ManU hafið náð að hanga á þessu eina marki sem þeir skoruðu gegn gangi leiksins, þá var mikill munur á leik þeirra og Arsenal.  Eftir að United skoraði voru settir 10 menn fyrir aftan boltann og langtímum saman var enginn leikmaður United á vallarhelmingi Liverpool.  Ótrúlegt hjá liði sem telur sig vera bestir.  Eftir að Arsenal komst yfir, þá var pressan bara aukin.  Pressað var frá fremsta manni og skiptingar milli kanta hraðar og nákvæmar.  Það getur vel verið að United muni standa uppi sem meistarar í vor, en Arsenal spilar "Total Football" að hætti Johan Cryuff og félaga.  Þann besta og flottasta í dag.  Það eina sem mætti bæta við eru bombur á við þær sem komu frá Arie Haan í denn.

Arsenal lagði Chelsea og er aftur efst

Athugasemdir

[Maggi (IP-tala skráð) 16.12.2007 kl. 19:33]

Það verður að athuga að Manchester var á útivelli en Arsenal á heimavelli.

[Steinn Hafliðason, 16.12.2007 kl. 19:45]

ARSENAL ERU LANGBESTIR

[Þráinn (IP-tala skráð) 16.12.2007 kl. 19:47]

Já djöfull eru þið segir að vinna B-lið Chelsea........

Og það bara með einari.......er það ekki það sem þú ert að segja Marri minn??

Og ef Stuðningdmenn Arse-and-all halda að titillinn sé í höfn, þá þeir um það.

[Marinó G. Njálsson, 16.12.2007 kl. 20:11]

Hvaða máli skiptir hvort leikurinn er á heimavelli eða útivelli.  Arsenal-liðið hefur aldrei í vetur spilað heilan hálfleik hvað þá heilan leik, þar sem skipt hefur meira máli að halda hreinu en að sækja.  Það sáum við hjá United í dag.  Sorglegt, þegar haft er í huga hvaða leikmenn spiluðu leikinn.

[Marinó G. Njálsson, 16.12.2007 kl. 20:13]

Þráinn, ég er ekki Marri, en ég veit hver hann er

[Sæunn Ýr (IP-tala skráð) 16.12.2007 kl. 20:23]

hæ pabbi minn! við sjáumst bráðum! - elska þig þín dóttir!:D:P

[Snorri Bergz, 17.12.2007 kl. 08:51]

Kjaftur í Þránni. Sennilega tapsár. En hvaða tal er þetta um b-lið CHelsea þó þrjá menn vanti?

[Marinó G. Njálsson, 17.12.2007 kl. 09:33]

Snorri, ég var einmitt að fara yfir liðið stöðu fyrir stöðu og mér sýndist  Þráinn gera lítið úr mönnum eins Lampard, "Cashley", Makalele, Joe Cole, Peter Cech og fleiri að telja þá B-liðsmenn.  Mér þætti gaman að sjá A-lið Chelsea spila og spyr hvar hafa það verið?