Hættur að setja athugasemdir á Eyjuna

Eyjan tók upp nýtt athugasemdakerfi í gær.  Nota þarf Facebook til að skrá athugasemdir í staðinn fyrir að fara með þær í gegn um þeirra eigin skráningarkerfi.  Ég er einn af þeim sem nota Facebook ákaflega sparlega vegna þeirra gríðarlegu persónunjósna sem eigendur samskiptasíðunnar virðast stunda.  Ég einfaldlega treysti ekki miðlinum, enda hafa eigendur hans sýnt að þeim er fátt heilagt, ef marka má fréttir utan úr heimi.

Vissulega nota ég Facebook til að vekja athygli á skrifum á blogginu mínu, en þó bara valdar færslur.  Einnig skrifa ég athugasemdir á færslur hjá vinum mínum, en þær eru fáar svona yfir það heila litið.  Í mínum huga er Facebook eitthvað sem maður notar sparlega og hleður alls ekki inn öllum manns skoðunum á hinum og þessum fréttum líðandi stundar.  Af þessari ástæðu mun ég a.m.k. ekki þar til ég ákveð annað, rita athugasemdir á Eyjuna.

Ég þakka þeim sem ég hef skrifast þar á fyrir samskiptin og óska Eyjunni velfarnaðar.

Athugasemdir

[Guðmundur Ásgeirsson, 2.9.2011 kl. 22:28]

Sama hér.

[Jóna Ingibjörg Jónsdóttir (IP-tala skráð) 2.9.2011 kl. 22:55]

Ditto.

[Hákon Hrafn (IP-tala skráð) 2.9.2011 kl. 23:22]

Sama hér, er reyndar ekki með Facebook.

[Sigurður (#1) (IP-tala skráð) 3.9.2011 kl. 17:50]

Sama hér.

Bæði hættur að skrifa þar athugasemdir, og svo einnig nánast hættur að lesa eyjunna.

Ég reyndi svo aðeins að lesa yfir ummæli annarra, en það er alveg vonlaust líka að reyna að halda einhverju samhengi á milli athugasemda, svo ég er bara hættur að lesa þennan miðil.

Ég held að þetta verði endalok eyjunnar, sem aldrei náði sér fyllilega á strik aftur  eftir síðustu breytingar á ummælakerfinu þegar maður þurfti að skrá sig í gagnabanka Binga til að taka þátt í umræðunum þar.

En það kann líka að hafa verið tilgangurinn, að drepa niður þennan umræðuvettvang sem var nokkuð öflugur þar til hann var yfirtekinn af Binga og félögum.

[Hákon Hrafn (IP-tala skráð) 3.9.2011 kl. 21:56]

Mér finnst reyndar athugasemdirnar frá Sigurði #1 einna bestar. Vefpressan var að fara í þriðju hlutafjáraukninguna í sumar þannig að kannski starfa þessir vefir ekki mikið lengur í óbreyttri mynd.

[Hrannar Baldursson, 4.9.2011 kl. 10:25]

Sammála.

Nú vantar vettvang fyrir opna umræðu. 

[HA (IP-tala skráð) 4.9.2011 kl. 12:16]

Eyjunni hefur því miður hrakað mikið undanfarna mánuði. Hún er orðin yfirborðskenndari, fréttirnar meira í copy/paste stíl og meira af slúðurfréttum sem maður átti ekki von á að sjá. Helst að hægt sé að lesa þar ummælin. Eftir að Seiken hætti að senda inn þar ummæli þá hefur helst Siguður #1 haldið uppi góðri umræðu og svo þú Marinó. Án ykkar þá getur maður alveg eins strokað út bókamerkið á Eyjuna. Bloggið þitt hérna er mun innihaldsríkara en heill fréttamiðill, enda kem ég hingað daglega.