Koma verður böndum á verðbólgu og setja þak á verðbætur

Ríkisstjórninni er að misheppnast eitt helsta verkefni sitt, það er að koma böndum á verðbólguna.  0,78% hækkun milli mánaða er meiri hækkun en varð frá júní og fram í ágúst og er þriðja mesta hækkun ársins.  Aðeins maí og júní voru verri.  Þetta eru því hræðilegar fréttir, þrátt fyrir að Pollýanna blaðamannsins hefi komist að því að 10,8% ársverðbólga sé sú lægsta frá því í mars 2008.

Langtímaspár frá því fyrr á árinu voru allar búnar að gera ráð fyrir að verðbólgan yrði komin niður fyrir 10% núna.  En að hún sé að mælast 10,8% og að verðbólgu hraðinn hafi verið að aukast aftur er ekki góðs viti.  Hvað gerist þá um áramót þegar ríkisstjórnin eykur skattbyrðina á landsmönnum um tugi milljarða?

Til þess að sporna við því að aukin verðbólga stuðli að hækkun fjárskuldbindinga, þá sé ég ekki nema eitt ráð.  Setja þarf þak á verðbætur.  Hagsmunasamtök heimilanna hafa talað fyrir 4% þaki á verðbætur frá 1. janúar 2008 og held ég að stjórnvöld eigi að huga vandlega að þessum kosti.  Ef þau vilja ekki fara aftur til 1. janúar 2008, þá er a.m.k. nauðsynlegt að setja það frá og með áramótum.  Það gengur ekki að verðtryggðra skuldir hækki og hækki vegna þess að Seðlabankanum og ríkisstjórn mistekst það ætlunarverk sitt að koma á stöðugleika.  (Nema að þessir aðilar kalli stöðuga 10,85 verðbólgu stöðugleika.)  Ég skora á stjórnvöld að hugleiða þennan möguleika af alvöru.  Skuldastaða almennings er nógu alvarleg, þó að hún versni nú ekki frekar.

Verðbólgan nú 10,8%

Athugasemdir

[Jón Frímann (IP-tala skráð) 28.9.2009 kl. 16:15]

Íslendingar hafa verið að reyna að koma böndum á verðbólguna síðan 1980. Það hefur aldrei gengið eftir, eða tekist. Ástæðan fyrir þessu er einföld, og það er líka sáraeinfalt að leysa þetta vandamál.

Vandamálið er íslenska krónuna, og sú efnahagstjórnun sem hefur ríkt á Íslandi, vegna krónunar. Þetta vandamál má leysa á einfaldan hátt, með inngöngu í ESB, og með upptöku evru sem markmið eftir inngöngu í ESB.

[Axel Pétur Axelsson, 28.9.2009 kl. 17:34]

Þessi tillaga um 4% þak á verðtryggingu lána er án efa besta hugmynd sem fram hefur komið á þessu tillögutorgi sem í gangi hefur verið. Hún uppfyllir öll skilyrði sem þörf er fyrir á Íslandi í dag.

1. Mjög einföl í framkvæmd

2. Lykill að þjóðarsátt

3. Setur pressu á rétta aðila um að ná árangri þ.e. ríkisstjórnina og "aðila vinnumarkaðarins"

4. Stoppar kerfisbundna sjálftöku á eignum heimila landsins

Berum flækjustigið á þessari 4% tillögu við nýjasta "barn" ríkisstjórnarinnar. Ég verð að játa að menn eru að ná nýjum hæðum í flækjubulli.

[Almennur skattborgari (IP-tala skráð) 28.9.2009 kl. 17:41]

" Þetta vandamál má leysa á einfaldan hátt, með inngöngu í ESB, og með upptöku evru sem markmið eftir inngöngu í ESB."

Rökin vantar fyrir þessari fjarstæðu. 

[Baldur Fjölnisson, 28.9.2009 kl. 17:53]

Jenið hefur sl. tvö ár hækkað um 180% og evran um 100%. Og enn er þetta að hækka þrátt fyrir að nánast sé bannað að selja krónuna.

Er einhver virkilega svo vitlaus að taka mark á 25% útsölu hjá fyrirtæki sem nýlega hækkaði vöruna um 100%+?

Verðbólgutölurnar koma frá hagtalnahönnuðum hins opinbera og hagtölur eru hápólitískar og hagsmunadrifnar og því í raun vafalaust lítið að marka þær. Hver trúir því td. að hækkun neysluverðs síðustu þrjá mánuði sé 1.5%? Ég held að 10-15% sé miklu nær lagi.

[Jón Frímann (IP-tala skráð) 28.9.2009 kl. 20:45]

Almennur Skattborgari, þetta er hvorki fjarstæða og það er nóg af rökum. Fyrir það fyrsta þá er evran margfalt stöðugri gjaldmiðill en krónan hefur nokkurntíman verið, enda er það sjálfgefið í þeirri stærð sem evran er. Í dag er evran notuð af ~326 milljón manns í evrópu, og sú tala mun fara ört vaxandi á næstu árum þegar fleiri aðildarríki evrópu munu uppfylla upptökuskilyrði evrunar.

Þetta má líka allt saman lesa á vefsíðu ESB um evruna. Hana er hægt að skoða hérna.

[Jón Pálmar Þorsteinsson, 28.9.2009 kl. 21:29]

Jón Frímann.

Í öllu þessu evru tali er eitt sem ég ferlega erfitt að átta mig á og það er EVRA vs. handónýt efnhagsstjórn landsins frá stofnun þess. þ.e.a.s. með sömu pólitík værum við þá ekki mikið verri málum evru. Jafn ömulegt og það nú er þá er hægt að fella gengið þegar allt er farið til fjandans.

Og þá er það stóra spurning. er EVRA yfir hafin lélega stjórnmálamenn og getur hún bjargað okkur standi þeir sig illa?

t.d. kárahnúkar, nesjavellir, svarstengi, grundartangi, fjarðarál, siglufjarðargöng, fáskrúðsfjarðargöng,sala símans, margföld ríkisútgjöld, sala bankanna ofl.ofl á hvað fjórum árum.

Atvinnuleysi útrýmt, launin upp, verðbólga, of aukinn kaupmáttur, fasteignabóla...........

Hefði EVRA geta komið í veg fyrir þetta???????

[Almennur skattborgari (IP-tala skráð) 28.9.2009 kl. 21:39]

Fjarstæða að ganga inn í heilt ríkjabandalag til að taka upp Evru. 

[Loftur Altice Þorsteinsson, 28.9.2009 kl. 23:07]

Jón Frímann er hér með skemmtilega færslu, í 5 setningum. Fyrstu 4 setningarnar eru réttar, sú síðasta kolröng. Eigum við að gefa honum 8,0 (4/5) ???

[Anna Benkovic Mikaelsdóttir, 29.9.2009 kl. 00:08]

Ég er með!

[Jón Pálmar Þorsteinsson, 29.9.2009 kl. 00:20]

  Tæplega.

[Halldór Björgvin Jóhannsson, 29.9.2009 kl. 00:24]

Þetta má líka allt saman lesa á vefsíðu ESB um evruna. Hana er hægt að skoða hérna.

Er þessi sölubæklingur besti staðurinn til að finna eitthvað um evruna? ég veit ekki með þig en allir sölubæklingar sem ég hef lesið segja sína vöru vera þá bestu í heimi.

[Jón Frímann (IP-tala skráð) 30.9.2009 kl. 19:23]

Jón Pálmar, skipulagið í ESB varðandi Evruna er þetta. Stjórnmálamenn ESB hafa ekkert vald yfir því sem gerist varðandi evruna. Það var nefnilega ákveðið að halda stjórnmálamönnum í góðri fjarlægð frá hagstjórnun í kringum evruna. Hagstjórnun evrunar fer fram hjá ECB, og er stjórnað af hagfræðingum þess Seðlabanka, sem er einn af mikilvægari seðlabönkum heimsins í dag.

Seðlabankar evrusvæðisins hafa atkvæðisrétt innan ECB um stefnu evrunnar, verðbólgumarkmið og annað slíkt.

Þannig að evran yrði margfalt betri fyrir íslendinga, og Seðlabanki  Íslands gæti farið að gera eitthvað annað gagnlegra.

[Baldur Fjölnisson, 30.9.2009 kl. 19:32]

Jamm, það eru kommisarar sem enginn hefur kosið til eins eða neins sem í raun ákveða hlutina og svo er gúmmístimplaþing til málamynda sem afgreiðir á færibandi til að skapa fjöldanum falska lýðræðistilfinningu. Þetta er lítið annað en snyrt og andlitslyft útgáfa af sovétkerfinu sáluga. Sennilega er þessi þróun líka langt fram gengin hér heima.

[Jón Pálmar Þorsteinsson, 30.9.2009 kl. 21:33]

@ Jón Frímann

Sjálfsagt rétt sem þú varst að segja.

En spurning var: Getur EVRA varið okkur fyrir slæmri íslenskri efnhagstjórn?