Enn fjölgar í hópnum

Það er fagnaðarefni að sjá þessa yfirlýsingu frá Starfsmannafélagi Reykjavíkurborgar.  Nú vil ég sjá svona yfirlýsingu frá fleiri samtökum launafólks, vinnustaðasamtökum, félagasamtökum og prestum.  Ég trúi því ekki, að fólki komi þetta ekki við eða þetta snerti ekki stóran hluta landsmanna.  Það eru að koma brestir í þvermóðsku ríkisstjórnarinnar og berja þarf í þá af krafti.  Hagsmunasamtök heimilanna hvetja því alla sem vettlingnum geta valdið að leggjast á árarnar með okkur og sigla heimilunum í örugga höfn.  Það verður m.a. gert með því að sem flestir sendi frá sér yfirlýsingu á borð við þá sem kom frá Starfsmannafélagi Reykjavíkurborgar.  Dropinn holar steininn og fjölgi dropunum, þá gengur hraðar í gegnum steininn.

Vilja að lánveitendur beri ábyrgð

Athugasemdir

[Offari, 25.9.2009 kl. 13:08]

Ég hef nú reyndar grun um að stór hluti þingmanna skilji þetta. En það er eitthvað annað vald sem aftri þeim í að taka af skarið.

[Hólmfríður Bjarnadóttir, 25.9.2009 kl. 16:53]

Haustið er greinilega komið og fólkið að vakna. Nú er ár síðan skriðan fór af stað og margt að koma í ljós þegar meira rennur. Við munum leggjast betur og betur á árarnar með hverjum deginum. Það tekur tíma að komast út úr mesta æsingnum eftir áfallið og koma skipulagi á hugsanirnar. Málin verða skýrari og aðgerðir markvissari. Óska okkur öllum góðs gengis í að leiðrétta samfélagið.

[Ólafur Garðarsson (IP-tala skráð) 26.9.2009 kl. 09:35]

Þetta er ágætt en ég hef reyndar aldrei skilið það hvernig lántakendur geta tekið ábyrgð á hruninu þ.e.a.s. venjulegt fólk sem tók neytendalán. Held það sé í góðu lagi að þeir taki ábyrgð sem tóku grilljóna lán og þeir sem veittu þau út á haldlaus veð ef nokkur. Bankarnir voru í slíkri stöðu að þeir handfærðu gengi krónunnar til að hagnast. Þeir misstu svo stjórn á öllu í óbeislaðri græðgi. Hvernig getur meðal Jóninn tekið ábyrgð á þessu rugli. Nei ég segi ábyrgðin á að vera mun ríkari hjá þeim sem gefa sig út fyrir að vera atvinnumenn í faginu. Venjulegt fólk var platað upp úr skónum með sjónhverfingum og bottlausu rugli. Og verðtryggingin verður að fara. Þessi sjálfvirka útgáfustarfsemi á nýju fjármagni getur aldrei gengið upp.

[ElleE (IP-tala skráð) 26.9.2009 kl. 14:39]

Vissulega voru lántakendur sviknir af bankamönnum og öðrum sem ættu að vera fagmenn og fáránlegt að gera svikið fólk ábyrgt fyrir svikunum.  Líka vil minna suma á að skriðan fór ekki af stað fyrir 1 ári, eins og kemur fram í commenti að ofan, heldur tæpum 2 árum þegar gengið fór að kol-falla. 

[ElleE (IP-tala skráð) 26.9.2009 kl. 14:42]

Og eru að vísu komin heil 2 ár núna í september: Gengið fór að falla í september, 07