Skoðanakönnun eða kosningaspá?

Mér finnst vera mjög áberandi í flóði "skoðanakannana" að þær eru ekki að lýsa skoðunum fólks, heldur er verið að birta kosningaspár.  Það er haf og himinn á milli þessa.

Í niðurstöðum könnunar Gallups, sem birt var í gær, þá kemur í ljós að það er enginn óákveðinn, það er engin sem ætlar að skila auðu, það var að vísu getið að 76% ætluðu að kjósa.  Þetta endurspeglar ekki niðurstöðu skoðunarkönnunar, heldur er þarna að mínu viti verið að birta niðurstöðu "hreinsaðra" gagna.  Þetta er kosningaspá og á því að birta sem kosningaspá, en ekki niðurstöðu skoðanakönnunar.

Kosningaspá er allt annar hlutur en svör fólks í könnun.  Það er gott og blessað að birta kosningaspá, en ekki telja trú um að þetta séu niðurstöður skoðunarkönnunar.  Til þess vantar alltof mikið.  Í raun má segja að um fölsun á niðurstöður könnunarinnar sé að ræða.  Eigi tölurnar að endurspegla svör svarenda, þá á að birta þau eins og svörin eru gefin upp.  Ef það er ekki gert, þá er lágmark að skýra út hve mörgum svörum var breytt.

Ég vil sem kjósandi, sem ekki er búinn að gera upp hug minn, fá að vita hve stór hluti annarra kjósenda, samkvæmt úrtaki, er ekki búinn að gera upp hug sinn.  Ég myndi líka vilja fá að vita, hver stór hópur neitaði að svara, ætlar að skila auðu eða ætlar yfir höfuð ekki að kjósa.  Að birta bara kosningaspá eftir að búið er að hreinsa út óæskileg svör og kalla það niðurstöðu skoðanakönnunar er ekkert annað en vísvitandi blekking.  Fyrir utan að slík framsetning gagna virkar neikvæð fyrir ný framboð og þá sem sem eru að hugsa sér að styðja ný framboð (sem ég er ekki að segja að ég ætli að gera), þar sem barátta virðist gjörsamlega vonlaus.

Tekjuháir færa sig um set

Athugasemdir

[Rakel Sigurgeirsdóttir, 28.3.2009 kl. 12:09]

Heyr, heyr!

[Haraldur Baldursson, 28.3.2009 kl. 15:47]

Skoðanakannanir endurspegla ekki alltaf raunverulegur vilja. Helsti galli þeirra  er að listi spurninga og röð þeirra eru ekki birtar. Vilji einhver til að mynda fá neikvætt svar um loðfeldi er hægt að spyrja nokkurra spurninga um gæludýr fyrst, til að stilla viðmælandanum upp í dýra-vinveitt-hugafar. Líkurnar á neikvæðri afstöðu til loðdýraræktar vaxa við það. Spyrja má um heiðargæsir, hreindýr, fjallagrös, gil, dali og viðkvæma náttúru áður en spurt er um nýja virkjun. Spyrja má um verðbólgu, verðlag, stöðnun í launum, ferðalög á næstunni og stöðugleika áður en spurt er um framtíðargjaldmiðil.
Túlkun niðurstaðna skoðanakannana eru því þessu rýrari að við fáum ekki að meta röð og innihald allra spurninga sem spurðar voru.

[Addi (IP-tala skráð) 29.3.2009 kl. 14:49]

Fín færsla hjá þér Marinó og þarft að vekja athygli á þessu.

Skoðanakönnun er eins og ljósmynd. Ákveðið sjónarhorn og ákveðin sneið af raunveruleikanum eins og hann er á ákveðnum tíma miðað við ákveðnar forsendur.

Framkvæmd könnunar og úrvinnsla gagna, eins og í tilfellli ljósmyndar, hefur mikið um upplifunina að segja.

Því miður (eða sem betur fer?) eru þeir, sem búnir eru að ákveða sig, duglegir við að sía út þau skilaboð sem styðja ekki við þeirra skoðunar.