Sigmundur pissar í skóinn sinn.

Svona út frá fyrirsögn fréttarinnar: Er ófjandsamleg yfirtaka á stjórnmálaflokki til?  Ég er að velta fyrir mér hvernig ófjandsamleg yfirtaka fer fram.  "Heyrið þið mig gott fólk, er ykkur ekki sama þó þið takið yfir flokkinn?"  Það heitir ekki yfirtaka, þegar forystuskipti verða í stjórnmálaflokka á vinsamlegum nótum.  Það heita valdaskipti.  Raunar var það sem gerðist í gærkvöldi ekki yfirtaka, þar sem ekki var verið að kjósa stjórn í Reykjavíkurfélaginu, heldur að velja fólk til að fara á flokksþing.  Hugsanlega var verið að undirbúa valdaskipti sem ekki er öllum aðilum þóknanleg.  En að tala um fjandsamlega yfirtöku lýsir í besta falli sjálfsmikilvægi þeirra sem héldu að þeir gætu ráðið hverjir ættu að fara á flokksþingið.

Annars er til einföld lausn á svona málum.  Til þess að geta tekið þátt í atkvæðagreiðslu, þá þarf viðkomandi að hafa verið félagi í minnst viku.  Þá vita báðir aðilar (ef svo má segja) að eitthvað stendur til og geta búið sig undir átökin.

Hitt er, að það er sorglegt, að Sigmundur skuli kjósa að fara þessa leið.  Með þessu veldur hann miklum skemmdum á uppbyggingarstarfi flokksins og staðfestir að Framsókn er flokkur bræðravíga, líkt og hann hefur verið um áraraðir.  Ég held að Sigmundur hafi pissað í skóinn sinn og þetta verði til þess að stuðningsmenn Páls þjappa sér saman um Höskuld Þórhallsson, sjái þeir fram á að Páll verði undir í baráttunni við Sigmund. Mér finnst þetta líka klaufalegt hjá Sigmundi að því leiti, að hann er að senda út þau skilaboð, að hann geti ekki unnið þetta kjör á eigin verðleikum.  Að hann sé ekki nógu sterkur einstaklingur til að ná kjöri út á það sem hann stendur fyrir, heldur komist hann eingöngu í formannsstólinn með því að beita bolabrögðum.  Eins og ég sagði áður.  Sorgleg niðurstaða.

Fjandsamleg yfirtaka

Athugasemdir

[Guðrún H (IP-tala skráð) 8.1.2009 kl. 09:32]

Skiptir sannleikurinn þig engu í þessu máli, það að Sigmundur hafi tekið það skírt fram að hann stæði ekki fyrir þessum nýja lista.  Á hann vantaði jafnvel marga af hans helstu stuðningsmönnum.   Það er því spurning hver sér hag í því að dreifa svona sögum, að öllum líkindum stuðningsmenn Páls sem hafa langa reynslu í slíku.

[Marinó G. Njálsson, 8.1.2009 kl. 09:52]

Guðrún H, það er flest sem bendir til þess að "smalarnir" séu úr hópi stuðningsmanna Sigmundar, þó svo að hann hafi sjálfur ekki "smalað".  Þeir sem hafa verið nafngreindir tilheyra a.m.k. þeim hluta flokksins sem hingað til hafa ekki verið Páls-meginn í flokknum (miðað við upplýsingar sem koma fram á hinum ýmsu síðum í netheimum) og mína þekkingu á flokkadráttum innan flokksins.

[Loopman, 8.1.2009 kl. 13:16]

Hvað með þá staðreynd að flokkurinn er vart mælanlegur núna, og það bendir til að breytingar séu ekki bara líklegar heldur bráðnauðsynlegar. Annars er þetta skíta flokkur, sem stendur fyrir spillingu, eiginhagsmunasemi, fyrirgreiðslupólitík og afturhald. Farið hefur fé betra. Og að vera laus við Bjarna Harðar og Guðna Ágústs, er eitt það besta sem upp hefur komið í íslenskri pólítík á háa herrans tíð.

Þessi flokkur hefur skilið eftir sig sviðna jörð allstaðar. Þú ættir að fagna því að Páll sé að verða undir. Hann er rotinn inn að beini og þessi Höskuldur er einn mesti afurhaldsseggur síðan Hjörleifur Guttorms og Bjarni Harðar riðu um héruð.

[Þráinn Kristinsson (IP-tala skráð) 8.1.2009 kl. 14:08]

Ráðvilltir kjósendur munu kasta atkvæði sínu í Framsóknarflokkinn og tryggja geðþekkum tækifærisinnum og framagosum þingsæti í næstu kosningum. Þeir geta síðan selt þingsæti sín hæstbjóðanda (fyrirtækjum eða öðrum flokkum) þvi stefna flokksins er bara það sem hentar hverju sinni og skiptir engu máli.

Markmiðið hjá þessum geðþekku aðilum er ekki að leggja krafta sína fram fyrir þjóðina heldur eiginhagsmunir