Er erlent slökkvilið komið?

Á visir.is er frétt um að Alþjóðagjaldeyrissjóðurinn (IMF) mun taka yfir stjórn landsins í dag.  Þetta er nokkuð dramatísk frétt, en a.m.k. eru fulltrúar sjóðsins komnir til landsins.  Það hefur svo sem komið fram í fjölmiðlum að japanski fjármálaráðherrann hafi lagt til aðkomu IMF og Bretar og Bandaríkjamenn hafi stutt þá tillögu.  Seðlabanki Íslands hafi aftur hafnað því.

Það ganga alls konar sögusagnir um hitt og þetta á vefsíðum og er ómögulegt að átta sig á því hvað er rétt.  Í morgun var Kaupþing sterkur banki, en núna síðdegi bendir fátt til þess.  Sannast hið fornkveðna:  Lofa skal dag að kveldi..

Á jákvæðum nótum, þá hefur gengið styrkst síðustu klukkutímana.

Athugasemdir

[Björn Heiðdal, 8.10.2008 kl. 20:54]

Svona í ljósi reynslu annara þjóða þá væri aðkoma IMF sennilega það versta sem gæti komið fyrir íslensku þjóðina.  Forseti Íslands og Davíð Oddsson hafa varað við þessum möguleika.  Ef ég hef skilið þetta rétt þá hefur IMF og Alþjóðabankinn komið ríkjum til "bjargar" sem hafa komist í þrot.  Ríkissjóður er ekki enn kominn í þrot samkvæmt síðustu fréttum og þess vegna ætti aðkoma þessara aðila ekki að vera nauðsynleg.

Innkoma þessara aðila snýst ekki um að fá lán og koma bankakerfinu í lag.  Þeir mundu taka yfir íslenska ríkið og stjórna því líkt og skiptastjórar yfir þrotabúum.  Hér yrði sennilega flatur niðurskurður á öllum útgjöldum ríkisins.  Heilsugæsla, samgöngur, skólamál bara allt sem skiptir máli.  Kannski 50% flatur niðurskurður.  Síðan kæmi krafa um að selja öll vatnsréttindi ríkis og sveitarfélaga ásamt raforkuframleiðslu.  Koma öllu sem skiptir máli í hendur á erlendum fjárfestum.  

Heldur fólk að erlendir fjárfestar séu tilbúnir að borga gott verð fyrir infrastucture þjóðar í upplausn.  20-30% atvinnuleysi og óeirðir í meira mæli en venjulega niður í bæ um helgar.  Þeir sem heimta IMF og skiptastjóra yfir Íslandi segja slíka vitleysu í einhverju reiðikasti.

Annars má lesa skemmtilega grein um þessi apparöt í eftirfarandi link.

http://www.gregpalast.com/the-globalizer-who-came-in-from-the-cold/