Ætli þeir hafi lækkað víðar?

Maður getur ekki annað en velt því fyrir sér hvort S&P hafi verið eins fljótir að lækka lánshæfismat Fortis, Dexia, Northern Rock og fleiri erlendra fjármálastofnana og þeir hafa verið að lækka það gagnvart Íslandi.  Ég hef raunar velt því fyrir mér hverra hagsmuna þeir ganga, þar sem þessar snöggu lækkanir þeirra í síðustu viku settu í raun af stað það ferli sem innifelur setningu neyðarlaganna í gær og við höfum ekki séð fyrir endann á.

Síðan finnst mér merkilegt að álit matsfyrirtækjanna sé ennþá talið marktækt og þau yfirhöfðu ennþá starfandi miðað við þann skaða sem þau hafa valdið fjármálakerfi heimsins með AAA mati sínu á undirmálslánunum.  Miðað við þau lán, þá er lánshæfismat Íslands AAAA+++.

Lánshæfismat Íbúðalánasjóðs lækkað

Athugasemdir

[Sigurgeir Orri Sigurgeirsson, 7.10.2008 kl. 14:55]

Hárrétt hjá þér, það er nákvæmlega ekkert að marka þá. Ekkert. Stærstu bankar Bandaríkjanna voru einmitt með allt sitt í AAA og höfðu ekki hugmynd um að það væru verðlausir pappírar. Þeir eru nú farnir á höfuðið, eins og kunnugt er.