Clapton góður

Ég var að koma af tónleikunum, sem voru mjög fínir.  Clapton karlinn stendur fyrir sínu, þrátt fyrir árin 63.  Með honum voru margir góðir hljóðfæraleikarar, en mér fannst hann njóta sín best í stólnum með gítarinn.  Það var greinilegt að hann varð að sníða sér stakk eftir vexti, eða öllu heldur aldri, þar sem hann lét sér yngri mann um hluti sem hann hefði ekki veigrað sér við hér á árum áður.

Gömul og góð lög eins og Cocain, You are wonderful tonight, Signe, Nowbody know when you're down & out, Walkin' Blues og Old Love svo einhver séu nefnd (eftir mínu takmarkaða laganafnaminni) hljómuðu í bland við önnur af misjöfnum aldri.  En mér fannst vanta fullt af gömlum góðum lögum.  Mest missir var af Tears in heaven og Layla og það var greinilegt að fleirum en mér fannst þau vanta.

Það var tvennt sem mér fannst miður.  Annað var hve margir áhorfendur voru passívir.  Voru greinilega komnir til að sjá goðið, en ekki til að taka þátt í tónleikunum.  Við sem klöppuðum með voru hálft í hvoru litin hornauga.  Hitt (sem hugsanlega var afleiðing af hinu fyrra) var hve stuttir tónleikarnir voru.  Það getur verið að 100 mínútur sé góður tími, en inn í dagskrána vantaði ýmis þekkt lög eins og áður segir.  Ég geri mér grein fyrir að maður sem á tónlistarferil sem spannar 45 ár á úr vöndu að ráð við velja lög á svona hljómleika.  En Tears in heaven og Layla eru tvö helstu vörumerki hans og hefði a.m.k. annað mátt hljóma.

Í heildina, þó, góðir tónleikar með frábærum listamanni.  Karlinn sýndi það svo ekki var um villst að hann er frábær á gítarinn og hefur ekki gert neitt annað en orðið betri með árunum.

Um 12.000 hlýða á Clapton

Athugasemdir

[Valsól (IP-tala skráð) 9.8.2008 kl. 00:40]

Hann hefur gefið það út að hann sé hættur að spila Tears in heaven, ég held það sé út af syni hans og kannski erfitt að vera upplifa minningar hvað eftir annað. En annars þá var ég að koma heim líka af tónleikunum og fanst þeir frábærir.

[Júlíus Valsson, 9.8.2008 kl. 10:02]

Hann er alltaf góður gítaristi. Hins vegar má segja, að lagavalið sé ekki alltaf eins gott. Stemningin datt dál. niður í nokkrum litlausum lögum, sem fáir virtust þekkja. Hann hefði einnig vel getað sagt nokkur orð, t.d. um laxinn. 
Hann er löngu hættur að spila "Tears in heaven" á tónleikum. Píanistinn var frábær. Annars var bandið fremur þreytulegt.

[Anna Ólafsdóttir Björnsson, 9.8.2008 kl. 16:18]

Sammála þessu með passívu áhorfendurna (ekki mér að kenna, ég rakst utan í allar myndastytturnar í kringum mig). Ótrúlegt að geta hangið svona kyrr á svona góðum tónleikum. Mér skilst að hann taki ekki Tears in Heaven á tónleikum (og hafi jafnvel aldrie gert) og hef ákveðna skoðun á því hvers vegna það var í lagi að sleppa Laylu, blogga um það á minni síðu, svo ég leggi ykkar ekki undir ;-)

[olsen (IP-tala skráð) 9.8.2008 kl. 16:44]

Mér finnst Dóri Braga betri en Eric Clapton ,slappir tónleikar aðstaðan þarna fyrir neðan allar hellur sviti og enginn loftræsting í Egilshöll.