Ekki allir með sleggjudóma

Það er gaman að sjá, að til eru greiningaraðilar sem leita upplýsinga áður en dómar eru felldir.  Mér finnst allt of mikið af því að settir eru fram sleggjudómar sem ganga út á það að sé skotið nógu mörgum skotum, þá hljóta einhver að hitta. 

Þessi greining BNP Paribas stendur nokkuð út úr greiningum frá öðrum aðilum, þannig að bara reynslan leiðir í ljós hverjir hafa rétt fyrir sér.  Fyrirvararnir eru nokkuð margir hjá þeim, en þeir viðurkenna jafnframt að fyrri greiningar hafi verið full harðar.  Að viðurkenna slíkt sér maður almennt ekki hjá greinendum og telst því til nýbreyttni.  Vandamálið er að dómharka margra greiningaraðila á undanförnum mánuðum hefur alveg örugglega valdið talverðum skaða hér á landi, að maður tali nú ekki um mistök eins og komu fram í greiningu SEB á Exista í gær.  Það hlýtur að þurfa að gera þá kröfu til þeirra sem gefa út svona greiningar, að þeir séu vel töluglöggir.

Ekki bráðnun í íslenska bankakerfinu

Athugasemdir

[Babbitt (IP-tala skráð) 24.1.2008 kl. 13:23]

Dómharka? Það er greinilegt að þú ert búinn að mynda þér skoðun á því hvað sé rangt og hvað rétt. Við skulum ekki gleyma að það er leitun að vísitölu sem hefur fallið jafn mikið og íslenska úrvalsvísitalan á undanförnum mánuðum. Það er ekki að ástæðulausu. Íslensk fjármlálafyrirtæki hafa farið fremst í skuldsettum yfirtökum á undanförnum árum þ.a. þegar skráð verðmæti þeirra lækka hafa þau takmarkaða getu til að standa undir skuldbindingum. Það er full ástæða til að gagnrýna þá aðferðarfræði sem hefur verið stunduð og þetta sjá erlendir greiningaraðilar. Það er fyndið að þegar kemur gagnrýni erlendis frá þá þykjast íslendingar alltaf vita betur - held þeim væri nær að líta í eigin barm og taka sig til naflaskoðunar.

[Marinó G. Njálsson, 24.1.2008 kl. 13:54]

BNP viðurkennir að þeir hafi dæmt of hart og ég er bara að hafa eftir þeim.  Einnig hefur komið fram að SEB Enskilda gerði alvarleg mistök og sýndi ófagmannleg vinnubrögð.  Fall vísitölunnar er vissulega mikið, en enn sem komið er er þetta að mestu pappírstap, alveg eins og áður var um pappírshagnað að ræða.  Ég hef sagt áður að góðærið myndi líða hjá og á sama hátt mun niðursveiflan líður hjá.  Spurningin er bara hverjir liggja í valnum.