Leita í fréttum mbl.is

Nokkur frumvörp til skoðunar - Almenningur borgar milljarða meðan bankar borga milljónir

Nú hrúgast inn á Alþingi alls konar stjórnarfrumvörp.  Mig langar að tæpa hér aðeins á efni þriggja, þ.e. mál 200 um ráðstafanir í ríkisfjármálum, 196 um sérstakan skatt á fjármálafyrirtæki og 238 um úttekt á fjárhagsstöðu fyrirtækja og heimila.

Byrjum á þingmáli nr. 200.  Þar er verið að leggja til að heimilin í landinu fái lægri bætur og greiði hærra skatta en áður.  Mismunurinn nemur um 10 milljörðum kr.

Þá er það þingmál nr. 196 um sérstakan skatt á fjármálafyrirtæki.  Þar er lagt til að fjármálafyrirtækin greiði 0,045% skatt af skattstofni sem nær til hluta skulda fyrirtækjanna til að bæta ríkinu upp tjón sem hrunið olli.  Mér telst til að upphæðin nemi núna um 422 milljónum króna.

Það er náttúrulega fáránlegt, að heimilin eigi að bera 10 milljarða vegna tjónsins sem fjármálafyrirtækin ollu, en nýju kennitölur þeirra rétt um 422 milljónir.  Er þetta ekki eitthvað öfugsnúið?  Síðan eiga heimilin auk þess að greiða fjármálafyrirtækjunum það tjón sem heimilin sjálf urðu fyrir.  Hvað er það eiginlega sem kemur í veg fyrir að fjármálafyrirtækin og lánveitendur þeirra beri sjálf þetta tjón?  Hvers vegna geta nokkrir "snillingar" sett fyrirtæki sín á hausinn og sent okkur reikninginn?  Ef þetta hefði verið einkafyrirtæki í öðrum rekstri, þá hefði mönnum aldrei dottið í hug að skattgreiðendur ættu að bera tjónið.  Kröfuhafar eru ábyrgir fyrir sínum útlánum og gjörsamlega kolvitlaust að ríkissjóður sé að hlaupa undir bagga.  Fyrirtækin sem lánuðu íslensku "snillingunum" voru með sína áhættustýringu og hafi hún klikkað, þá er það þeirra mál.  Mistök í útlánum þessara fyrirtækja til íslenskra "snillinga" kemur ríkissjóði og almenningi ekki við.  Því fyrr sem við förum að haga okkur með þetta í huga, því fyrr náum við að rétta úr kútnum.

Loks er það þingmál 238 um úttekt á fjárhagsstöðu fyrirtækja og heimila.  Henni á að vera lokið 1. janúar 2014!  Þarf ég að segja meira.  Það er gott að fara í svona vinnu, en að ætla sér 3 ár í verkið er eiginlega ótrúlegt.  Í frumvarpið vantar auk þess skýringar á því hverjir eiga nákvæmlega að vinna úr upplýsingunum.  Ætlar efnahags- og viðskiptaráðherra að stofna deild innan ráðuneytisins?  Er gerðar menntunarkröfur til þeirra sem eiga að vinna úr upplýsingunum.  Satt best að segja, þá held ég að betra væri að endurvekja Þjóðhagsstofnun eða setja þetta verkefni inn í Hagstofuna.  Síðan geri ég verulegar athugasemdir við það ákvæði laganna sem snýr að öryggi upplýsinganna.  Þar segir að ráðherra skuli gera viðeigandi öryggisráðstafanir án þess að vísa til þess hvaða viðmið skuli nota, þ.e. um að söfnun, vinnslu, varðveislu og meðhöndlun upplýsinganna skuli gilda ákvæði laga nr. 77/2000 um persónuvernd og meðferð persónuupplýsinga. Mætti m.a. hafa hliðsjón af 2. gr. laga nr. 100/2010 um umboðsmann skuldara.


« Síðasta færsla | Næsta færsla »

Athugasemdir

1 Smámynd: Arinbjörn Kúld

Dásamlegt eða hitt þó heldur. Bullið og kjaftæðið tekur engan enda.

Kannski ættum við að taka í alvöru upp aðferð Cantona í Frakklandi.

Kveðja að norðan.

Arinbjörn Kúld, 22.11.2010 kl. 17:33

2 Smámynd: Guðjón Emil Arngrímsson

Sérðu nokkra líkingu við Icesave málið?

Guðjón Emil Arngrímsson, 22.11.2010 kl. 18:21

3 Smámynd: Jón Steinar Ragnarsson

Þeir semja ekki frumvörpin, heldur virðast þeir fá þau tilbúin til afgreiðslu frá AGS.  Ég fæ ekki annað séð.

Jón Steinar Ragnarsson, 22.11.2010 kl. 19:25

4 Smámynd: Arnór Baldvinsson

Sæll Marinó,

Mér sýnist þetta vera einhverskonar lengri tíma gagnaöflun og úrvinnsla. 

"Með frumvarpinu er lagt til að á vegum efnahags- og viðskiptaráðherra fari fram víðtæk rannsókn á fjárhagsstöðu skuldugra heimila yfir nokkurra ára tímabil. Er það gert í ljósi tímabundinna og óvenjulegra efnahagsaðstæðna heimilanna en nauðsynlegt er að afla stjórnvöldum betri yfirsýn yfir þær til þess að auðveldara verði að taka ákvarðanir um viðbrögð."

Mér sýnist þetta vera svona gagnaöflunarprógram sem gæti nýst í framtíðinni.  Sennilegar til að sýna að ríkisstjórnin sé að gera eitthvað.  Hver heldur þú að nenni að lesa þetta og rekast á 2014 í þessu;)  Þetta verður nýjasta útspilið til bjargar heimilunum, sannaðu til!

Kveðja

Arnór Baldvinsson, 22.11.2010 kl. 19:50

5 Smámynd: Guðmundur Ásgeirsson

2014 ??? Eru þau að f'n hæðast að okkur ???!!!

Guðmundur Ásgeirsson, 22.11.2010 kl. 22:13

6 Smámynd: Sigurður Sigurðsson

Það má auðvitað ekki íþyngja þessum blessuðu fjármálafyrirtækjum. Þetta eru búin að vera erfið ár hjá þeim. Er ekki ofmat hjá Steingrími að þau geti borgað 422 millur.

Er bara ekki réttast að við almenningur borgum það líka svona til að gæta sanngirni.

Sigurður Sigurðsson, 23.11.2010 kl. 14:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Marinó G. Njálsson
Marinó G. Njálsson
Upplýsingaöryggi og persónuvernd eru mínar ær og kýr, þó ég blaðri um allt og ekkert hér á blogginu. Er í Hagsmunasamtökum heimilanna og berst fyrir réttlæti fyrir heimili í landinu.  Loks er ég faggiltur leiðsögumaður.  Netfangið mitt er mgn@islandia.is og netfang fyrirtækisins oryggi@internet.is.

Heimsóknir

Flettingar

  • Í dag (29.3.): 3
  • Sl. sólarhring: 125
  • Sl. viku: 686
  • Frá upphafi: 1677708

Annað

  • Innlit í dag: 1
  • Innlit sl. viku: 51
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband