Gufa frá bráðnun undir jökli

Meðfylgjandi eru myndir úr vefmyndavél Vodafone.  Sú til vintri sýnir (hringað utan um) hið gríðarstóra op sem hefur myndast neðst í Gígjökli og stígur gufa stöðugt þar upp.  Einnig má sjá gufu stíga upp frá ánni sjálfri þar sem hún fellur í gamla lónstæðið.  Á myndinni til hægri hef ég hringað utan um tvo gufustróka sem standa upp úr jöklinum.  Hvort þeir eru vegna hitans frá vatninu sem rennur niður jökulinn eða vegna þess að hraunið er komið svona langt, er ómögulegt að dæma af myndunum, en eitt er víst:  Gufan leitar upp á við, þannig að gufumyndunin á sér stað neðan við neðri staðinn í jöklinum.

 

Viðbót 28.4.2010:  Á þessari mynd sést gufan mjög vel, sem sýnir að hraunið er komið nokkuð langt niður jökulinn.

 

 

Hraun komið um 1 km frá gígnum

Athugasemdir

[S i g u r ð u r S i g u r ð a r s o n, 27.4.2010 kl. 18:56]

Sæll.Það sem þú merki við á þrengri myndinni sýnast mér vera bara þegar bráðvatnið þrýstist eða frussast út úr sprungunni. Þar fyrir ofan er gjá eða sprunga sem kom í ljós þegar jökullinn hörfaði fyrir gos.

Betra er að sjá þetta allt saman ef myndin er stækkuð (veit ekki hvernig það er gert á PC tölvu en á Makkanum mínum er það cmd og +).

Er hins vegar ekki alveg viss um hvort neðri hringurinn á víðari myndinni sýnir gufumökk. Hins vegar er óumdeilanlegur mökkur rétt fyrir neðan Ytri-Skolta. hann liggur flatur, líklega vegna hvassviðris.

[Marinó G. Njálsson, 28.4.2010 kl. 00:13]

Sigurður, ég er búinn að vera að fylgjast með þessu í nokkuð marga daga og það kemur gufa þarna upp.  Neðri hringurinn á víðari myndinni er gufa.  Þú getur séð það á vefmyndavél Vodafone.  Þetta er mjög augljóst að sjá.

[Arnór Baldvinsson, 28.4.2010 kl. 21:42]

Sæll Marinó,

Takk fyrir að pósta þessar myndir.  Vodafone hefur lokað á aðgang að þessum svæðum erlendis frá svo maður sér ekkert af þessu:(  Þeir senda myndir á 10 mínútna fresti inn á Google picassa web (http://picasaweb.google.com/102175391233488315229) en það er ekki alveg það sama.  En betra en ekkert:)

Kveðja,

[Marinó G. Njálsson, 28.4.2010 kl. 23:00]

Ein mynd á 10 mínútnafresti er meira en ein á dag, eins og ég geri