Góður maður í vandasamt starf

Ég vil byrja á því að óska Höskuldi til hamingju með nýja starfið.  Brotthvarf hans úr stóli forstjóra Valitor er óvænt og verður skarð hans vandfyllt.  Þar hefur hann stýrt fyrirtækinu giftusamlega í gegn um þann ólgusjó sem íslenskt fjármálakerfi lenti í á haustdögum 2008.

Án þess að vita hverjir aðrir sóttu um, þá held ég að stjórn Arion banka hafi ratast rétt á í vali sínu.  Bankinn mun fara nokkuð á nýjar slóðir í mörgum efnum, en það verður bara gott.  Valinn var traustur og heiðarlegur maður, sem ætti að vera hafinn yfir allan vafa.

Ég sendi Höskuldi bestu óskir um gott gengi í nýju starfi með þökk fyrir samstarfið á liðnum árum.

Höskuldur H. Ólafsson ráðinn bankastjóri Arion banka

Athugasemdir

[Gunnar (IP-tala skráð) 23.4.2010 kl. 18:01]

http://www.pressan.is/Frettir/LesaFrett/nyr-forstjori-arion-banka-var-i-lykilstodu-hja-tveimur-fyrirtaekjum-vidridin-samkeppnislagabrot

[Marinó G. Njálsson, 23.4.2010 kl. 23:50]

Ég verð að viðurkenna, að ég hef ekki mikla trú á því að Höskuldur hafi tekið þátt í samkeppnislagabrotum. 

Annars verður áhugavert að sjá hver fer í stól forstjóra Valitor.  Það er feit staða.

[Hólmfríður Bjarnadóttir, 24.4.2010 kl. 00:35]

Það er strax reynt að grafa upp einhvern skít til að klína á fólk ef það er valið í áhrifastöður. Ef þú mælir með honum Marinó, þá er hann í lagi.

[Sveinbjörn (IP-tala skráð) 24.4.2010 kl. 00:42]

Þjóðfélagið má nú ekki líkjast nornaveiðum hér á árum áður.

Ég þekki manninn ekki neitt, en að menn ætli að víta manninn fyrir að vinna hjá fyrirtæki sem hafi verið sektað fyrir samkeppnislagabrot og öðru sem var ákært en ekki dæmt er bara djók fyrir mér.

Ég veit ekki betur en að samkeppnisráð sé nú meira að hugsa um minni fyrirtæki sem eru oft rekinn með stóru tapi og í eigu útrásarvíkinga en að hugsa um hag einstaklingana í þjóðinni, það sést nú best með nýjasta dæminu þar sem Síminn startaði nýrri herferð til að hindra brottfall í t.d. fyrirtæki eins og Nova sem mun líklega enda með stórum skuldabagga á þjóðarbúið.