Er þetta forsmekkurinn að því sem koma skal?

Einu sinni voru orð manna ígildi samninga.  Nú er öldin augljóslega önnur.  Fjárglæframennirnir með hóp færustu lögfræðinga munu vefengja allt sem sagt hefur verið og skrifað undir.  Ég ætla ekki að draga neitt úr rétti þeirra til að verja sig, en ef menn eru ekki meiri menn en svo, að þeir telji það þjóna betur hagsmunum sínum, að standa ekki við orð sín, þá segi ég bara:  Farið hefur betra fé.

Fjárglæframennirnir og vinir þeirra ættu að hafa í huga það sem forfeður okkar vissu:

Deyr fé,

deyja frændur,

deyr sjálfur ið sama.

En orðstír

deyr aldregi

hveim er sér góðan getur

 

Deyr fé,

deyja frændur,

deyr sjálfur ið sama.

Eg veit einn

að aldri deyr

dómur um dauðan hvern.

 

Já þær eru tvær vísurnar.  Önnur um góðan orðstír og hin um slæman.  Halda þessir menn að þeir geti virkilega gengið hér keikir um götu meðan almenningur þarf að taka á sig klafann af misheppnuðum ævintýrum þeirra.  Með fullri virðingu, þá ferst mönnum betur að sýna auðmýkt og iðrun.

Breskur kaupsýslumaður sýknaður af kröfu VBS

Athugasemdir

[Ólafur Ingi Hrólfsson, 2.10.2009 kl. 15:16]

gordon brown sagði að breskur almenningur ætti ekki að greiða fyrir útrásarliðið

á Íslenskur almenningur að greiða fyrir þá bresku?

[Davíð Þór Kristjánsson, 2.10.2009 kl. 15:20]

Mér finnst þetta dæmi alveg lýsandi fyrir hversu reynslulausir Íslenskir bankamenn eru, þarna er lánað án þess að fullnægjandi tryggingar liggi fyrir. Sá sem gerði þennan lánasamning, hver sem það er er í vondum málum.

[Snorri Hrafn Guðmundsson, 2.10.2009 kl. 15:33]

Þetta er og hefur alltaf verið svona hérna. Hversu hæf var Icesave samninganefndin? Það eru aðrar nefndir nýstofnaðar sem eru stórhættulegar atvinnulífinu.

[Brjánn Guðjónsson, 3.10.2009 kl. 03:30]

Hávamál eru eilíf. sú var tíð er sögð orð stóðu. mikið væri betra ef nútímamenn hefðu þá dyggð forfeðra okkar í heiðri, að orð skulu standa.

takk annars fyrir góð blogg

[Sigurður Sigurðsson, 3.10.2009 kl. 10:56]

Góð tilvitnun í Hávamál - orð að sönnu og eiga svo sannarlega  vel við í dag !!

[Offari, 3.10.2009 kl. 11:50]

Það er erfitt að vinna sér gott orðspur en auðvelt að glutra því niður.

[Svanur Gísli Þorkelsson, 3.10.2009 kl. 13:28]

Hvor vísan á við um VBS fjárfestingabanka?

[Agla (IP-tala skráð) 3.10.2009 kl. 14:23]

Ég er alls ekki viss um að þau lífsviðhorf sem Hávamál túlka hafi verið ofarlega í hugum Íslendinga seinustu áratugina og "fjárglæframennirnir"okkar hafa greinilega ekki haft þau sem leiðarljós. Kannski hefðum við betur haft þau á námskrá ýmisra aldursflokka í menntakerfi okkar.

"Farið hefur betra fé´" er trúlega lítil huggun fyrir þá sem töpuðu sparifé, húsi, bíl, atvinnu og þeirri bjartsýnis barnatrú að "þetta reddast", hvað svo sem það er.

Segir ekki  að "með lögum skal land byggja"? Er ekki löggjöfin eina vörnin sem samfélagið hefur gegn"óreiðumönnum"?     

Það er auðvelt að kenna öðrum um það sem miður fer (Geir, Jóhönnu,Bretum, Hollendingum, erlendum kaupsýslumönnum, Jóni og séra Jóni) en við búum í lýðræðisríki og það er sameiginleg ábyrgð okkar allra hvernig þjóðarskútan býr sig undir eða kemst í gegnum um brotsjó.

Hávamál fjalla um lífsviðhorf  en ekki löggjöf nútíma lýðveldis en kannski er þar eitthvað að finna sem gæti vísað okkur veginn?

[Marinó G. Njálsson, 3.10.2009 kl. 20:34]

Svanur, ég er svo sem ekkert að velta því fyrir mér.  Ætli VBS verði ekki eins og fleiri að bíða dóms síns.

[ElleE (IP-tala skráð) 4.10.2009 kl. 22:51]

Agla: ". . "fjárglæframennirnir"okkar hafa greinilega ekki haft þau sem leiðarljós."  

Vegna þess að "psychopaths" hafa ekki samkennd í eðli sínu og þó þeir lærðu allt í heiminum í heila öld:

Psychopaths, Dr. Robert Hare, Canada:
http://www.hare.org/links/saturday.html