Ákvörðun um greiðsluverkfall stendur óhögguð

Tilkynning frá Hagsmunasamtökum heimilanna

Í dag lagði félagsmálaráðherra fram tillögur að aðgerðum sem samkvæmt upplýsingum á vef Stjórnarráðsins "fela í sér umtalsverða leiðréttingu á greiðslubyrði af lánum og nýjar leiðir til að laga skuldir fólks að eignastöðu og greiðslugetu".  Stjórn Hagsmunasamtaka heimilanna hefur lengi beðið eftir að fram komi tillögur frá stjórnvöldum og telja að framlagðar tillögur séu mikilvæg viðurkenning á baráttu þeirra fyrir hagsmunum heimilanna.  Stjórnin mun nú leggjast yfir tillögurnar og fylgiefni og fyrst að þeirri yfirlegu lokinni munu samtökin koma með ítarleg viðbrögð við innihaldi þeirra.  Gera samtökin ráð fyrir að álit þeirra muni liggja fyrir fljótlega.  En við fyrstu sýn telja samtökin að tillögurnar séu ófullnægjandi.

Ákvörðun um greiðsluverkfall stendur því óhögguð.

Þak sett á greiðslujöfnun lána

Athugasemdir

[Gunnar Skúli Ármannsson, 30.9.2009 kl. 23:54]

Sæll Marinó,

ég hef ekki nennt að kynna mér hugmyndir Árna Samfylkingarmanns, enda er ég mjög latur að eðlisfari. Ég lít þannig á málið að ef AGS hleypir þessum tillögum í gegn eru þær gagnslausar, annars mun AGS stöðva þær. Því bíð ég bara rólegur og slepp við að lúslesa kjaftæðið.

Gangi ykkur allt í haginn, ég hef fundi fyrir miklum stuðningi meðal almennings með samtökum ykkar-áfram með smérið.

[Toni (IP-tala skráð) 1.10.2009 kl. 16:34]

Ég ætlaði að lúslesa þetta eins og Gunnar Skúli kallar það, en þegar ég sá að greiðslubyrði gengistryggðra lána er ekki að lækka um 30-40% eins og Árni Páll heldur fram hætti ég að lesa.

Það rétta er að greiðslubyrðin er að lækka um 9-16% en ekki 30-40% eins og fullyrt er.

En kannski er restin af úrræðunum nær því sem ráðherrann segir í fjölmiðlum.......kannski.