31. mars voru heildarskuldir 4.483 milljarðar

Samkvæmt tölum af vef Seðlabankans voru heildarskuldir þjóðarbúsins erlendis sem hér segir 31. desember 2008 og 31. mars 2008:

Erlendar skuldir og vextir
M.kr.	2008, IV	2009, I
Seðlabankinn	370.959	288.727
Hið opinbera	532.251	541.214
Innlánsstofnanir aðrar en gömlu bankarnir	1.149.586	2.214.542
Aðrir geirar	1.171.441	1.022.462
Bein fjárfesting	425.231	416.387
Erlendar skuldir, alls annarra en gömlu bankanna	3.649.468	4.483.332
Erlendar skuldir án innlánsstofnana	2.499.882	2.268.790
Erlendar eignir, alls annarra en gömlu bankanna	3.324.882	2.794.801
Nettó staða - skuldir umfram eignir	324.586	1.688.531
Ársfjórðungsvextir miðað við 5% á ári miðað við nettóstöðu	4.057	21.107
Nettóvextir á síðasta ári/áætlun fyrir þetta ár	54.050	84.427
Ársvextir miðað við 5% og skuldir alls	182.473	224.167
Gengi ISK/USD í lok tímabils	120,87	122,35
Verg landsframleiðsla (VLF) 2008	1.465.065	1.465.065
Hlutfall skulda af VLF 2008	249%	306%
Gjaldeyristekjur 2008	655.053	655.053
Hlutfall skulda af gjaldeyristekjum 2008	557%	684%
Ársvextir sem hlutfall af VLF	12,5%	15,3%
Ársvextir sem hlutfall af gjaldeyristekjum	27,9%	34,2%

(Allar tölur fengnar af vef Seðlabankans fyrir utan upplýsingar um verga landsframleiðslu og gjaldeyristekjur, sem fengnar eru af vef Hagstofunnar.)

Ég vil þó vekja athygli á því að skuldir um fram eignir voru "bara" 1.688 milljarðar í lok 1. ársfjórðungs.

Mikið er talað um hlutfall skulda miðað við verg landsframleiðslu, en ég hefði haldið að menn ættu ekki síður að hafa áhyggjur af hvert hlutfallið er af vergur gjaldeyristekjum.  Það er jú gjaldeyririnn sem streymir inn í landið, sem er notaður til að greiða vexti og afborganir af þessum lánum.

---

Ég og Haraldur Líndal Haraldsson, hagfræðingur, mættum á fund fjárlaganefndar sl. þriðjudag og kynntum greiningu Haraldar á stöðunni um síðustu áramót og í morgun vorum við á fundi efnahags- og skattanefndar.  Sumir þingmenn virtust átta sig á alvarleika stöðunnar meðan þetta voru nýjar fréttir fyrir aðra.  Mig grunar að vinna Seðlabankamanna um helgina hafi verið afleiðing af fundi okkar Haraldar með fjárlaganefnd í síðustu viku, enda nauðsynlegt að þingið viti hver skuldastaðan er áður en tekin er ákvörðun um að bæta litlum 650-700 milljörðum við.

Stefna í að vera yfir 200%

Athugasemdir

[Ólafur Eiríksson, 14.7.2009 kl. 17:59]

Þessi liður eykst um meira en 1000 milljarða: Innlánsstofnanir aðrar en gömlu bankarnir

Ég segi nú bara eins og maðurinn um árið; Hægðir!

Hvað var Gylfi Magnússon eiginlega að spá þegar hann var að segja að það nægði að bakka innflutningi aftur til ársins 2002-3 og halda útflutningi óbreyttum sem ætti að skila 1 milljarði evra í afgang og þar með væri þetta ekkert mál!

Síðan eru það fyrirhuguð lán gegnum IMF og vinaþjóðir upp á hvað -700 milljarða - það bætist við þetta? 

[Jakobína Ingunn Ólafsdóttir, 14.7.2009 kl. 19:57]

Samkvæmt áliti Alþjóðagjaldeyrissjóðsins er ríkið komið í þrot þegar skuldirnar fara upp fyrir 240% af vergri landsframleiðslu.

Skuldirnar virðast vera komnar upp fyrir það mark og aðgerðir ríkisstjórnarinnar virðast vera að gera stöðu þjóðarinnar enn erfiðari með því að afsala griðum.

[Jakobína Ingunn Ólafsdóttir, 14.7.2009 kl. 20:01]

Það er alveg furðulegt Marínó að fjöldi þingmanna virðist vera ómeðvitaður um þessa stöðu.

Ég held að Lilja Mósesdóttir sé einn fárra þingmanna sem skilur alvarleika stöðunnar enda er hún doktor í hagfræði.

Aðrir þingmenn virðast margir hverjir hunsa þær upplýsingar sem liggja fyrir og hafa jafnvel legið fyrir um hríð um stöðu ríkissins og stöðu þjóðarbúsins.

[Gunnar Skúli Ármannsson, 14.7.2009 kl. 23:42]

Marinó, ég tek ofan fyrir ykkur Haraldi. Að hafa elju til að uppfræða þingmenn vora ber vott um óvenjulega þrautsegju af ykkar hálfu. Sjálfur sé ég ekki til botns í þessu hyldýpi.