Miklar heimildir en ekkert sagt um fjármagn

Þetta eru stórtíðindi og er alveg óskiljanlegt hvernig svona hlutir geta gerst.  Frumvarp forsætisráðherra fjallar bara um valdheimildir, en ekkert er sagt um hvernig eigi að fjármagna pakkann. Að því leiti er um innantóman pakka að ræða.  Nú kemur enn einn tími óvissu.

Víðtækar heimildir til inngripa

Athugasemdir

[Theódór Norðkvist, 6.10.2008 kl. 17:37]

Verður ekki að liggja fyrir hve miklar þessar fjárveitingar mega vera?

[Gunn (IP-tala skráð) 6.10.2008 kl. 19:38]

Þetta er skelfilegt. Ég hef í áraraðir búið erlendis og hefur lengi fundist það er ótrúlegt hvað Íslendingar hafa verið gagnrýnislausir á þessa útrás og fjárhagslegan grundvöll hennar. Skellt hefur við skollaeyrum.

Að mínu mati hefur hópur fjárglæframanna komið þjóðfélaginu á vonarvöl. Ríksstjórn og Seðlabanki hafa gert sér grein of seint og ekki ráðið við þetta. Fáránlegt að segja að þjóðvæðing Glitnis hafi komið þessu af stað. Það var greinilega ekki nóg að leggja til þetta fé og mönnum var ljóst að dómínospilið var komið af stað. Þjóðfélagið ræður ekki við þetta enda eru 12x landsframleiðsla. Það þyrfti væntanlega 4000 til 6000 miljarða til að bjarga þessu, kannski meira og þeir peningar eru einfaldlega ekki til... Skák og mát. Sökin er þessara aðila.

Við gætum hér misst okkar efnahagslega sjálfstæði og fylgt dæmi Nýfundnalands.

Hver heldur að taki á móti Kredittkortum frá Glitni, Landsbankanum eða Kaupthingi í hinum stóra heimi eða þá á Íslandi? Gullkort eða Platiniumkortin eru núna einskis virði. Gæti þess vegna troðið Mattador/Monopol peningum í töskuna eða Lató.

Efast um að verslanir á Íslandi taki kredittkort væntanlega þurfa allir fá borgað cash frá á morgun.

Við erum fífl og höfum látið þessa aðila, fjölmiðla þeirra og leigupenna plata okkur, hvenær vöknum við.... kanski núna.

Ungur fréttamaður á NRK greindi þetta á einni helgi og var þetta sýnt í aðalfréttatíma Noregs í gærkveldi með um 1 milj. áhorfendur. Hann kom með þær spurningar sem íslenskir aðilar ekki spyrja að.

http://www1.nrk.no/nett-tv/indeks/146268

Glitnir er að hluta norskur banki og væntanlega mun bankaeftirlitið velta hverjum steini þar. Hef búið árum saman í Noregi og kæmi mér ekki á óvart að þeir eiga yfir höfði sér fangelsisdóma það var þegar bankakrísan var þar fyrir 20 árum.

[Gunn (IP-tala skráð) 6.10.2008 kl. 22:33]

Þetta lítur ekki vel út fyrir okkur Íslendinga Marínó.  Get ekki séð neina góða leiki í stöðunni.  Við njótum ekki nokkurs lánstrausts.   Það er eins og við höfum lifað í bólu og núna er hún skyndilega sprungin. Umræðurnar hafa verið fáránlegar og snúist um hvort hluthafar Glitnis hafa tapað einhverjum aurum og hvað Davíð sagði á einhverjum fundi er náttúrulega algjört bull. 

Þetta er búið að vera lengi mikið mikið stærra mál og bankarnir voru að "ganga plankann" ef maður tekur hér líkingu úr sjóræningjasögunum. "Carry Trade" markaðurinn var búinn og þessi alþjóðlega fjárhagskreppa skolaði þeim endanlega fyrir borð.

Heimildir mínar segja að í þessum orðum að aðilar alþjóðagjaldeyrissjóðsins eru að ræða við ráðamenn um aðgerðir.  Íslensk efnahagsstjórn verður hugsanalega sett þá í gjörgæslu. 
Það er ljóst að Jón Sigurðsson verður valdamesti maður landsins og nánast einráður um allt viðskiptalíf.  Væntanlega eru Samfylkingarmenn ánægðir með það.

Kaupþingsmenn virkuðu ótrúlega brattir, en skilaboðin eru að þeir eigi að bjarga sér sjálfir sem er vonlaust.  Holskeflan skellur á þá á morgun í Evrópu og þeir eiga sér enga von.  Skilst að ráðin séu í raun tekin af þeim og það sé verið að skipta þeim á milli sín á fundarherbergjum í Evrópu. Tími Kaupþings er búinn í íslensku fjárhagslífi. Hvalurinn sekkur og tekur væntanlega margt með sér.  Væntanlega hafa menn komist að þeirri niðurstöðu sem kom mér ekki á óvart að hlutunum varð ekki bjargað.  Það hefur verið á reiki hvert gengi íslensku krónunnar er og það er hætt að skrá opinbert gengi.  Evrugengið núna er yfir 200 Íkr og það verður það í langan tíma. Óljóst hver áhrifin verða hjá þeim sem hafa tekið gjaldeyrislán, væntanlega verður gjaldeyrisskömmtun þeir verða að reyna að þreyja þora og góuna eða losa fjármuni.  Sem þjóð erum við öreigar og það verður uppi stétt manna sem missir allt sitt og fær stórfellda breytingu á sínum lífsháttum um mörg komandi ár.
 
Íslenskir fjölmiðlar hafa í lengri tíma verið gjörsamlega bitlausir og nánast vantað á alla vitræna fjölmiðlun og  Ísland hefur verið viðskiptalegt "bananalýðveldi".  Vonandi rennur þetta að lokum upp fyrir fólki.  Það eru aðilar í viðskiptalífi landsins sem komu okkur í þetta ekki Seðlabankinn, ekki Davíð, ekki Geir, ekki Björgvin eða aðrir misvitrir stjórnmálamenn.  Þetta voru "viðskiptadrengirnir" "okkar" með barnalegu þjóðlegu stolti þjóðarinnar og eyðslubrjálaði. 

Þýðir ekkert lengur að lesa þessa íslensku fjölmiðla.  Maður fær mikið betri fréttir frá erlendum fjölmiðlum enda er þeim ekki stýrt af þessum aðilum. 

Þessi grein kom á BBC í dag:
http://www.bbc.co.uk/blogs/thereporters/robertpeston/2008/10/creditors_call_time_on_iceland.html

"The Icelandic banking boom was an economic phenomenon created by what's known as the carry trade - whereby colossal sums of money were borrowed in places like Japan, where interest rates were effectively zero, for lending to institutions in high-interest-paying economies, such as Iceland.
This, for years, seemed to be a no-lose arbitrage on differential interest rates in a globalised economy.
But it was just another manifestation of the pumping up of the credit bubble, which is now deflating and hurting us all.

Here are the lethal statistics about Iceland: the value of its economic output, its GDP, is about $20bn; but its big banks have borrowed some $120bn in foreign currencies."
Now that's what I call leverage - and remember that's just the overseas liabilities of its commercial banks

What happen to poor indebted Iceland?
Well, although its central bank has fairly substantial reserves - enough according to the central bank governor to cover imports for eight to nine months - it's difficult to see how it can re-float without international help."

Þessi grein kom í Times:
http://business.timesonline.co.uk/tol/business/industry_sectors/banking_and_finance/article4894904.ece

Sources said that Landsbanki and the country’s third-biggest bank, Glitner, will soon be fully nationalised, while Kaupthing had been forced to take state loans. (hmmm...... hvað er á seyði þarna það er greinilegt að menn álýta að þeir Kaupþingsmenn ráða ekki lengur sjálfir för, væntanlega er verið að festa tökin um ákveðnar eignir sem veð. Hér er væntanlega er íslenska ríkið að tryggja sína hagsmuni áður en holskeflan skellur á þá.)  Hér verður Glitnir tekinn og hluthafar fá væntanlega ekkert fyrir sinn snúð enda bankinn gjaldþrota og í raun engin eign.

Björgólfur Guðmundsson er væntanlega gjaldþrota og núna er yfirstjórn Landsbankans búin að loka sig inni í Landsbankahúsinu þeir hafa væntanlega fáa hluti sem þeir geta gert. 
Straumur Burðarás hefur yfirtekið erlenda starfsemi og væntanlega fara lifa þeir heldur ekki af stóra áhlaupið á morgun.
Allir sparisjóðirnir fara á hausinn á næstu dögum.

Engin kredittkort verða tekin gild og eins gott að sætta sig við að borga í reiðufé.  Held samt að debitkortin koma til með að virka. Góður kunningi minn tjáði mér að það sé verið að gera fjárnám um allt Ísland í kvöld, væntanlega í nótt og snemma í fyrramálið. Kröfuhafar eru að styrkja sína stöðu og verða fyrstir á vettvang.  það verður bankað á margar dyr á næstu klukkutímunum.

Það á eftir að renna upp annar skelfilegur dagur á morgun.....

[Marinó G. Njálsson, 6.10.2008 kl. 23:26]

Gunn, ég hef lesið efni eftir neikvæða menn, en þú slærð allt út.  Hvaða bull er að kort muni ekki virka?  Þú hefur greinilega enga hugmynd um hvernig þetta kerfi virkar.  Það eru greinilega verið að ljúga þig fullan af alls konar tröllasögum.  Farðu nú aðeins að slaka á og njóttu þess að búa í Noregi.

Sólin mun koma upp á morgun og það verður hafarí, en að allt sé að fara á hausinn er óráðsraus.

Hvað heldur þú að margir bankar í Evrópu hafi tekið neyðarlán eða þegið neyðarpening?  Fortis, Dexia, Hype Real Estate, bara til að nefna þá sem fengu pening um helgina.

Síðan þessi síbylja að kenna útrásinni um allt.  Útrásin var vissulega djörf og gekk lengra en skynsamlegt var, en þar var spilað eftir leikreglum Seðlabanka Íslands.  Veigamesti þátturinn í þessum farsa eru endalaus mistök Seðlabanka Íslands og þar vegur langsamlega þyngst ótrúlega heimskuleg og bráðlát Davíðs Oddssonar að þjóðnýta Glitni.  Að Davíð hafi ekki viljað veita Glitni 150 milljóna evru lán miðvikudaginn 24. september sl. er það sem kom þessu öllu af stað.  Með yfirtökunni felldi hann lánshæfismat Íslands og bankanna um einn flokk.  Þar með voru forsendur fyrir lánalínum bankanna brostnar og þær voru innkallaðar.  Það var ekkert annað sem gerðist (haft eftir íslenskum bankamönnum).

Annars er það kaldhæðni, að banki seðlabankanna, Bank of International Settlements (BIS), gaf í lok september út reglur um stjórnun greiðsluhæfisáhættu og var með því að fylla í alvarlega glufu í Basel II regluverki sínu.  Það eru einmitt kröfur í Basel II regluverkinu sem gerðu það að verkum að lánalínur bankanna voru innkallaðar.  Ekki er ég að setja út á það, en það voru þessar sömu kröfur sem gerðu það að verkum að matsfyrirtækin fóru í þann sérkennilega gjörning að snúa handónýtum BBB undirmálslánum í AAA gæðapappíra þar sem Basel reglurnar komu í veg fyrir að stóru bankarnir gætu keypt BBB undirmálslánin í sama mæli og AAA pappíra.  Að stórir bankar í Bandaríkjunum hafi fengið bandarísku matsfyrirtækin til að hjálpa sér að snúa á Basel reglurnar er númer eitt, tvö og þrjú ástæðan fyrir því að allt er í steik í fjármálaheiminum í dag.  Bættu síðan fjölmörgum mistökum Seðlabanka Íslands í pottinn og þú færð Ísland í dag.

Ég er sannfærður um að ef Glitnir hefði fengið þá aðstoð sem hann sóttist eftir um daginn, þá væri íslenska krónan 25% sterkari og ekkert neyðarástand væri á Íslandi, þó staðan væri varhugaverð.  Ef matsfyrirtækin hefðu unnið af heiðarleika á sínum tíma, þá væru íslensku bankarnir í góðum málum og íslenska ævintýrið í fullum gangi.

[Gunn (IP-tala skráð) 7.10.2008 kl. 00:15]

Sammála það verður ekki heimsendir.  Sólin kemur upp sem betur fer. Það kemur dagur eftir þennan dag.  Mín svartsýni á því miður fullkomlega rétt á sér en vona að ég hafi rangt fyrir mér.  Held samt að þetta er ekki runnið upp fyrir þér Marínó hvernig staðan er.

Þegar forsætisráðherra nefnir þjóðargjaldþrot er það stórfrétt. Það eru sett neyðarlög um fjármálaeftirlit og yfirtöku í kvöld sem eru einsdæmi í vestrænu ríki.

Ráðamenn hafa ekki líkt þessu lengur við þegar síldin hvarf 1967/68, ekki við kreppuárin, menn fara hér aftur að fyrri heimsstyrjaldarárum til samlíkingar sem í mínum huga er mjög dramatískt. 

Menn eru það langt leiddir að þeir leita til IMF sem er dramatískt.

Þú hefur eflaust lesið um ástandið í Argentínu  það er væntanlega eitthvað sem líkist því sem við erum að ganga í gegnum núna.  

Þessar greina frá BBC og Times einar virtustu fréttastofamiðlum heims eru ekki nein slúðurblöð eða sneplar eins og Fréttablaðið og DV og 24 stundir og þetta er einungis lítill hluti af það sem ég myndi segja réttmætri og raunsærri sýn á efnahag landsins.

Hrun í íslenskum efnahag er staðreynd,

við erum greinilega ekki sammála um hvað kom því af stað.  Hvorugir okkar þekkja bókhald Glitnis og erfitt er að segja nákvæmlega hver staðan er.  Væntanlega verður það mál rannsakað af óháðum aðilum þegar tímar líða, þannig að það verðu skorið úr þessu.

Kaupþing lifir ekki af næstu 2 daga, annað væri kraftaverk að mati erlendra aðila. Sparisjóðunum er ekki lífs auðið og lognast út af á næstu vikum.

Hef fyrir því áreiðanlegar heimildir að það er verið að undirbúa umfangsmikil fjárnám og farið af stað þegar bæði hjá einstaklingum og fyrirtækjum snemma í fyrramálið. Það varðar bílalán viðskiptalán ofl. á þessari stundu veit ég að það er verið að vinna að kröfum.

Hvað varðar kredittkortin myndi ég ekki treysta á að fara með það sem eina gjaldmiðilinn erlendis.  Ef ég væri verslunareigandi myndi ég ekki taka við kredittkorti áður en ástandið skýrist. Bankarnir skulda meira en þeir eiga, hvaða kröfurétt hafa eigendur kreditkortaskulda, er það sama eins og skuldabréf? Þetta dæmi þekki ég því miður ekki og held að margir eru ekki alveg vissir á þessu.  Sé að Vísa Ísland auglýsir að kortin virka, en á maður að treysta því? Þetta held ég að margir velti fyrir sér þessa stundina og hefur ekki að mér vitandi verið svarað á óýggjandi hátt.   

[þórður j. (IP-tala skráð) 7.10.2008 kl. 00:59]

Það kæmi ekki á óvart að erlend kortanotkun yrði takmörkuð að einhverju leiti. Enda ekkert sem réttlætir ofurnotkun á gjaldeyri á þann hátt eða hvað?