Sýnir hvers konar rugl er í gangi

Loksins hafa bankarnir gert það sem þeir áttu að gera fyrir löngu, þ.e. sanna það fyrir heiminum að skuldatryggingaálagið er ekki í neinu samræmi við raunveruleg kjör á markaði.  Nú er bara að sjá hvort Seðlabankinn og hinir viðskiptabankarnir fylgi ekki í kjölfarið.  (Og svo er aldrei að vita nema krónan braggist.)

Til hamingjum með þetta, Kaupþing.

Kaupþing fær milljarða að láni

Athugasemdir

[Sigurjón Sveinsson, 24.6.2008 kl. 20:28]

Akkúrat, og þetta er á sama tíma og Hreiðar Már kallar innkomu ríkisins "ömurlega" :).

Kaupþing á ekki eftir að þiggja neitt frá ríkinu varðandi ríkistryggð lán, mun gera þetta allt sjálft og solo. Enda er bankinn orðinn meðalstór evrópskur banki.

[Gunnar (IP-tala skráð) 24.6.2008 kl. 21:01]

Jiiiibbbbiiiii það finnst einhver sem vill lána okkur!!!!!  Kreppunni er aflýst....,? Auðvitað getum við lánað okkur frá veruleikanum, ....við borgum lánin með VISA raðgreiðslum og raðgreislurnar með öðru korti. .....

Þvílíkt rakalaust bull, sanna fyrir heiminum að við getum tekið lán,... haha.... Við erum lítið hagkerfi og það veit enginn af okkur.  Það eru engir erlendir fjárfestar á íslenska hlutabréfamarkaðnum enda er hann lítill og einkennist af krosseignatengslum, kunningjaskap og innherjaviðskiftum enda er ekkert/sáralítið eftirlit í gangi að mér virðist.  Ekki einn einasti maður eða kona hefur verið dæmdur, ákærður eða grunaður um slíkt að mér vitandi.

Lán er ekki lausnin á efnahagsvandanum ......  Veruleikafyrrt umræða að mínu viti, það sem heldur uppi krónugengu er geysilega hátt vaxtastig, að taka þann tappa mun valda hruni í krónugenginu.  Erfitt er að vita raungengi krónunnar en kanski er það núna en ég held að það eigi eftir að falla mikið meira.  Það er grundvallaratriðið að koma á jafnvægi í rekstri ríkisins. Partíið er búið og lendingin verður hörð.   

[Baldur Fjölnisson, 24.6.2008 kl. 21:25]

Bankarnir verða í nokkuð góðum málum ef útlánatöp þeirra verða undir 3% og ef við verðum ekki fyrir barðinu á okkar eigin undirmálslánakreppu og ef erlendir hlutabréfamarkaðir hætta að hrynja að ekki sé minnst á okkar eigin markað og ef verðtrygging og hrynjandi króna setja ekki fjárfestingar þúsunda "underwater". Því miður eru líkurnar á að öll þessi ef gangi eftir - alls engar. Öll heimsins afneitun fær því ei breytt.

[IP (IP-tala skráð) 24.6.2008 kl. 22:20]

Víst Kaupþing á svona auðvelt með lán ætti
þá ekki að vera auðvelt að taka stöðu með krónunni
með framvirkri sölu gjaldeyris og njóta vaxtarmunarins.
Nei það fæst ekki það er bara boðið vaxtarmunur sem
endurspeglar skuldartryggingarálagið enda hentar það
ekki gengis markmiði Kaupþingsmanna að menn taki stöðu
með krónunni.

[Marinó G. Njálsson, 25.6.2008 kl. 01:14]

Gunnar, það er nauðsynlegt að hrósa þegar vel er gert, þó svo að biðin hafi ekki verið síður löng eftir alvöru aðgerðum frá bönkunum og frá Seðlabanka og ríkisstjórn.

Baldur, ég nefndi um daginn í einhverri athugasemd  þetta með íslensku undirmálslánin.  Ég er sammála að þetta getur snúist út í það.