Gosmökkurinn séður frá Kópavogi um kl. 20.45 í kvöld

Gosmökkurinn sást í kvöld vel fyrir ofan fjöllin milli Vífilsfells og Bláfjalla síðan þar vestur af.  Meðfylgjandi mynd tók ég af mekkinum þegar hann reis hvað hæst og var farinn að fjúka út yfir hafið suður af landinu.  Myndin er tekin úr Þingunum í Kópavoga, en mökkurinn sást líklegast alls staðar af þar sem var á annað borð fjallasýn í átt að gosstöðvunum.  Þetta byrjaði sem smá skýjabóla yfir fjöllunum uns mökkurinn reis jafn hátt og myndirnar sýna yfir fjöllunum.  Nokkrum mínútum síðar var hann horfinn.

Ástæðan fyrir því að hluti af gosmekkinum er svona ljós er einfaldlega að sólinn nær að skína á hann meðan skuggi fjalla eða annarra skýja fellur á neðri hlutann.

Og hér fyrir neðan er mynd sem hann Óli bróðir tók um svipað leiti, en hann er í Ölfusi. 

Svo má bæta því við að þriðji bróðirinn, Þorsteinn, á jörðina Lambafell sem er við hliðina á Þorvaldseyri.  Hann er ekki búsettur þar lengur.  Flóðið sem kom hjá Þorvaldseyri flæddi um eyrarnar milli bæjanna.

 

Athugasemdir

[Jón Steinar Ragnarsson, 17.4.2010 kl. 22:45]

Burtséð frá þessu, þá vil ég benda á merkilegt blogg.

Fallöxin fellur á heimilin í október. Um það hefur verið samið á bakvið þjóð og þing. Er ekki tím til að finna fram heygafflana og kyndlana?

[Jón Steinar Ragnarsson, 17.4.2010 kl. 22:49]

Þetta er afrek Steingríms og Jóku og sennilega að ráðgjöf heimspekingsins, sem tók við af Indriða landeyðu.

Hvað gera danir nú?

[Arnór Baldvinsson, 18.4.2010 kl. 06:28]

Sæll Marinó,

Urðu skemmdir á Lambafelli, jörð bróður þíns?  Öskufallið er slæmt en aur og grjót um öll tún og allir skurðir fullir af leir og drullu er hreint ekkert gamanmál.  Er jörðin í ábúð eða nýtt?  Svona áföll snerta mann alltaf, gamlan sveitamanninn.

Kveðja, 

[Marinó G. Njálsson, 18.4.2010 kl. 08:28]

Arnór, jörðin er eingöngu nýtt til ferðaþjónustu.  Sjáflur býr hann í nágrenni við þig hinum megin við sundið á Vancouver eyju.

Líklegast hefur orðið tjón og á eftir að verða meira.  Við spyrjum bara að leiklokum.