Gloppa í úrræðum ríkisstjórnarinnar - Leiðrétting lána þarf að vera almenn og víðtæk

Með dómi héraðsdóms Suðurlands um að skuldbindingar ábyrgðarmanna haldi, þó lántaki fari í greiðsluaðlögun, þá er höggvið ansi stór skarð í þær varnir sem greiðsluaðlögunarlögin áttu að vera.  Vissulega verður lántakinn ekki eltur og hann því kominn í skjól, en ábyrgðarmenn sitja eftir í súpunni.

Við hjá Hagsmunasamtökum heimilanna höfum ítrekað bent á, að gera þurfi meira fyrir heimilin í landinu, en felst í liknardeildarúrræðum stjórnvalda.  Heimilin í landinu eru mjög mörg að komast á vonarvöl, ef þau eru það ekki nú þegar.  Á málstofu Seðlabanka Íslands í gær kom fram að 34,5% heimila nái annað hvort ekki endum saman eða gera það með naumindum.  Hafa skal þann vara á niðurstöðum SÍ að bankinn miðar við naumhyggjuframfærslu sem varla nokkur maður getur brauðfætt sig á.  Því má gera ráð fyrir að þessi hópur sé mun stærri og giskaði ég á í færslu í gær, að hópurinn væri a.m.k. rúmlega 43%, líklegast um 50% og allt upp í 60%.  Ég verð að viðurkenna, að það er skammarlegt að fjölmiðlar hafi ekkert vakið athygli á niðurstöðum Seðlabankans.

Lög afnámu ekki sjálfskuldarábyrgð

Athugasemdir

[Carl Jóhann Granz, 13.4.2010 kl. 12:39]

Ég sá frétt um þetta í gær laumast innan um skýrslufréttir og opnaði hana í sér glugga.

Velti fyrir mér hvort þetta væri sett fram þennan dag af ástæðu þannig að þetta alvarlega mál fengi ekki þá athygli sem það ætti skilið.
Samanber atvik í Bretlandi þegar ráðlagt var að setja út vondar fréttir þegar ráðist var á tvíburaturnana í Bandaríkjunum.

http://www.mbl.is/mm/frettir/innlent/2010/04/12/fjordungur_heimila_enn_i_vanda/