„Ef vér slítum í sundur lögin, slítum vér og í sundur friðinn“

Mig langar að birta hér bréf Hagsmunasamtaka heimilanna til eftirtalinna aðila:

• Forsætisráðherra
• Fjármálaráðherra
• Viðskiptaráðherra
• Dómsmálaráðherra
• Félagsmálaráðherra
• Allra þingmanna allra flokka
• Ríkissáttasemjara
• Stjórnar ASÍ
• Stjórnar SA
• Stjórnar SI
• Allra helstu sambanda og félaga verkalýs og launþega
• Sambands Íslenskra sveitarfélaga
• Fjölmiðla
• Samtökum, stofnunum og talsmanni neytenda 

Sættir og málamiðlun í deilum eru lykilhugtök í friðarboðskap þeirra bóka sem skrifaðar voru á mestu ófriðartímum þjóðarinnar, þegar kristni var tekin upp á landinu árið 1000.  En hvernig skildu menn þess tíma hugtakið lög?  Lög voru alls ekki lagabókstafurinn fyrst og fremst; lögin voru samfélagið sjálft, hin siðræna undirstaða, rétt hegðun gagnvart náunganum, heiðarleiki.  Ef lögin voru slitinn, ef samfélagið var brotið upp var ófriður skollinn á.  Nú hafa þessi varnaðarorð Þorgeirs Ljósvetningagoða orðið að raunveruleika á okkar tímum, þegar ráðamenn þjóðarinnar hafa “slitið í sundur lögin.”

Stjórn Hagsmunasamtaka heimilanna vill með meðsendu fylgiskjali koma á framfæri lykilatriðum um málefni heimilanna inn í umræður um Samfélagssáttmála þann sem nú er í smíðum.  Sem frjálsir þegnar hefur almenningur í landinu kosið sér fulltrúa, sér jafna menn og konur, til að fara með hagsmunamál sín í stjórnsýslu og lykilstofnunum samfélagsins.  Það er gert í því sjónarmiði að jafna stöðu þegnanna á milli, skapa jöfn skilyrði til atvinnustarfsemi og jafnframt að hlúa að uppbyggingu samfélagslegra þátta.

Undanfarin ár hefur þessi skilningur snúist allur á hvolf og þegnarnir eru farnir að þjóna samfélagsyfirbyggingunni og eru orðnir að þrælum fjármálastofnana.  Ef skapa á skilyrði fyrir frjálsa þegna til að búa í þessu landi til framtíðar verður að snúa þessum formerkjum aftur við og hlúa að grunnstoðum samfélagsins, þegnunum sjálfum, heimilunum í landinu.

Stjórn Hagsmunasamtaka heimilanna óskar ykkur góðs gengis í þeirri miklu vinnu sem þið eigið fyrir höndum og er boðin og búin til að leggja sitt af mörkum í því samhengi, sé þess óskað.

Fh. stjórnar Hagsmunasamtaka heimilanna

Friðrik Ó. Friðriksson meðstjórnandi

Með bréfinu fylgdi meðfylgjandi skjal:

Skrár tengdar þessari bloggfærslu:

• Samfélagssáttmáli Hagsmunasamtaka heimilanna

Athugasemdir

[Marinó G. Njálsson, 6.6.2009 kl. 23:35]

Ja, ég býst við að áherslur manna séu mismunandi.  Ef ég ætti að telja upp grunnstoðir samfélagsins, þá væru fjölskyldan og heimilin það fyrsta sem ég nefndi.

[Björn Heiðdal, 7.6.2009 kl. 00:43]

Samsæri, samsæri og aftur samsæri.  Er almenningur ekki búin að ná þessu?  Alþjóðlegt samsæri gegn venjulegu fólki sem vill vera frjálst og geta sagt skoðanir sínar umbúðarlaust.  Svo vilja sumir ganga í ESB!  Kvarta undan AGS og Bretum en vilja láta þau öfl sem þar ráða för stjórna hér á landi í gegnum ESB.  Er ekki nógu slæmt að íslensk stjórnvöld séu leppar samsærismanna?

New world order og hið nýja Ísland eru einn og sami hluturinn.  Í hverju landi á fætur öðru er ríkisstjóður settur á hausinn með yfirtöku skulda einkafyrirtækja!  Tilviljun að Davíð og Jóhanna fari eftir ráðleggingum sömu sérfræðinga og eru að koma USA á hausinn og Bretlandi.  

Ef Hagsmunasamtök heimilina vilja ganga í ESB og taka upp evru eru þau líka partur af samsærinu og ekki treystandi.  

[Gunnlaugur Ingvarsson (IP-tala skráð) 7.6.2009 kl. 11:45]

Sæll Marínó. 

Hagsmunasatök heimilana eru að vinna mjög gott starf sýnist mér.

En ég tek undir með Birni Heiðdal að ef þau byrja líka að kyrja þennan ESB- rétt-trúnaðarsöng þá rjúfa þau líka friðinn í samfélaginu og þeirra málflutningur myndi þá algerlega missa marks.

[Marinó G. Njálsson, 7.6.2009 kl. 12:09]

Björn og Gunnlaugur, Hagsmunasamtök heimilanna hafa ekki tekið afstöðu ESB.  Hvorki með né móti.  Persónulega tel ég ESB ekki það sem við þurfum núna hvað sem framtíðin ber í skauti sér.  Ef menn tækju af sama ákafa á vanda heimilanna og atvinnulífsins og á ESB umsókn, þá værum við komin í gegnum verstu kreppuna, en ættum hana ekki eftir.

[Haraldur Haraldsson, 7.6.2009 kl. 14:04]

Bréfið er gott. Boðskapurinn laus við hroka og yfirgang. Orðin eru jarðbundinn og raunhæf. Mikið vona ég að það verði komið á móts við heimilin og fólkið í landinu. Mikið rosalega er það rétt að þeir sem ráða einbeiti sér að málefnum stofnanna og hagur heimila og einstaklinga er orðin veikur. Sáttmálin er frábær og sú vinna sem stjórn samtakanna hefur sett í þetta er til eftirbreytni.

[Kristbjörn Árnason, 7.6.2009 kl. 15:59]

Þetta er afar gott bréf, Ég þekki umræðuna í karphúsinu nægjanlega vel til að vita það, að þar snýst umræðan um launamál og atvinnumál.

Umræða um húsnæðismál er mjög óvinsæl, vegna þess að þessir aðilar vilja ekki fórna einhvejum öðrum baráttumalum fyrir aðgerðir í húsnæðismálum.

Þessa umræði þekki ég á þessum bær og ég reikna ekki með því að viðhorfin hafi neitt breyst. 

Ekki veit ég hvort Hagsmunasamtökin hafi átt formlegar viðræður við stjórnvöld. Hugsanlegt er að finna verði nýjan samræðugrundvöll til að þessir aðilar geti tekið upp samstarf. 

Til lengri tíma teldi ég það mikilvægt fyrir almenning í landinu. Það eru enn möguleikar í stöðunni

[Offari, 10.6.2009 kl. 15:26]

Mér líst vel á þennan sáttmála. Þó mætti líka benda ríkisstjórnini að nú sé nauðsynlegt að aftengja neysluskattana frá vísitöluni áður en þeir eru lagðir á.