En Vinnumálastofnun segir 7,63%

Samkvæmt upplýsingum á vef Vinnumálastofnunar var atvinnuleysi á þriðja ársfjórungi 8,0% í júlí, 7,7% í ágúst og 7,2% í september.  Meðaltalið af þessu er 7,63% eða 27% meira atvinnuleysi en Hagstofan mælir.  Munurinn á þessum tveimur tölum er allt of mikill til þess að mark sé á þeim takandi.  Munurinn er ekki ásættanlegur. 

Hagstofan segir að 10.900 manns hafi að meðaltali verið án vinnu og í atvinnuleit á þriðja ársfjórðungi, meðan Vinnumálastofnun segir tölunar vera 12.145 í september, 13.387 í ágúst og 13.756 í júlí.  Þetta er dálítið langt yfir þeim 10.900 sem Hagstofan mælir.

Hvor stofnunin er að mæla "rétt"?  Hvernig stendur á þessum mikla mun?  Svara verður þeirri spurningu hvernig standi á því að stofnunin, sem hefur það hlutverk að fylgjast með vinnumarkaðinum, er að mæla 27% meira atvinnuleysi, en stofnunin sem sérhæfir sig í mælingum.  Síðan verður að svara því hvort skekkjan, sem kemur þarna fram, hjá hvorum aðilanum sem hún er, komi á sama hátt fram í öðrum mælingum viðkomandi stofnunar.

6% atvinnuleysi á 3 fjórðungi

Athugasemdir

[Guðmundur Steinbach (IP-tala skráð) 14.10.2009 kl. 12:15]

Þetta er líklegast ólík skilgreining á atvinnuleysi sem þessar stofnanir hafa. Þetta hugtak er náttúrulega frekar teygjanlegt.

[Marinó G. Njálsson, 14.10.2009 kl. 12:50]

Ég held það gætu verið þessi orð "og í atvinnuleit" sem skipta máli, en þá eru þetta ekki tölur um atvinnulausa heldur atvinnulausa í atvinnuleit, hvernig sem það er nú mælt.

[l (IP-tala skráð) 14.10.2009 kl. 16:35]

Ætli munurinn sé ekki sá að Vinnumálastofnun telur með þá sem eru í hlutastarfi og fá atvinnuleysisbætur fyrir hinn hlutann.

 Vinnumálastofnun gæti líka talið með þá sem eru í vinnu sem er styrkt af atvinnuleysistryggingasjóði (s.k. vinnumarkaðsúrræði), en Hagstofan telur þá væntanlega ekki með þar sem þeir eru í vinnu.

[Marinó G. Njálsson, 14.10.2009 kl. 16:46]

Mér finnst það alvarlegt mál, ef tveir opinberir aðilar nota gjörólíkar aðferðir til að mæla stærðir á borð við atvinnuleysi.  Eðlilegast er að aðeins annar aðilinn sjái um að birta mælingarnar eða að stofnanirnar samræmi aðferðir sínar. 

Við skulum hafa í huga, að þessar tölur eru að hafa áhrif á hvað fólk greiðir af lánunum sínum, þ.e. þeir sem eru með lánin sín í greiðslujöfnun.  Hvernig á nokkur maður að geta fundið út hvort greiðslan er rétt, ef stofnanirnar sem birta tölur um atvinnuleysi geta ekki komið sér saman um þá grunnforsendu sem segir til um atvinnustig í landinu.

[Ómar Harðarson (IP-tala skráð) 14.10.2009 kl. 20:31]

Hagstofan mælir samkvæmt alþjóðlegum skilgreiningum. Hennar tölur eru því samkvæmt því sem mælt er í Evrópu. Vinnumálastofnun telur upp úr atvinnuleysisskrám. Auðvitað eru þær tölur ekki sambærilegar, enda gilda íslenskar reglur ekki annars staðar en á Íslandi.

Hins vegar má benda á að Hagstofan mælir þá sem eru virkir á vinnumarkaði og voru þær rúmlega 82% nú en tæplega 84% fyrir ári. Þeim hefur því fjölgað sem hvorki eru vinnandi né atvinnulausir. Til að vera atvinnulaus skv. Hagstofunni þurfa menn að vera alveg á vinnu, vera virkir í atvinnuleit og tilbúnir að stökkva í vinnu ef hún býðst. Margir af þeim sem ekki uppfylla þessi skilyrði geta vel verið á atvinnuleysisskrá og fengið bætur, því þar kemur þetta ekki í ljós nema vinna bjóðist raunverulega, en ekki hýpótetískt eins og hjá Hagstofunni.

[Anna Benkovic Mikaelsdóttir, 15.10.2009 kl. 00:51]

Ég skráði mig atvinnulausa í fyrsta skipti á ævinni 1. okt. 2009!

[Anna Benkovic Mikaelsdóttir, 15.10.2009 kl. 00:52]

...það er ekkert "teygjanlegt" við það! (Niððurlægjandi frekar!)

[Snorri Hrafn Guðmundsson, 15.10.2009 kl. 01:14]

Berðu þá þessar tölur saman við Eurostat og þá færðu þriðju töluna. IceStat notar Eurostat og Vinnumálastofnun þar sem Hagstofan uppfærist allt of seint.