Hreint út sagt frábært

Hann var ótrúlega góður leikur íslenska liðsins áðan.  Sigurinn var aldrei í hættu.  Björgvin lagði grunninn að sigrinum með stórbrotinni markvörslu sem er sú besta sem sést hefur frá íslenskum markamanni í háa herrans tíð.

Pólverjarnir sýndu að þeir eru með mjög gott lið, en það var eins og leikurinn gegn Frökkum sæti aðeins í þeim.  Íslenska liðið náði að stoppa hinar hröðu klippingar þeirra fyrir utan og oft var spil þeirra ráðleysislegt.  Þeir bættu sóknarleik sinn í síðari hálfleik, en það fór greinilega of mikil orka í að vinna upp muninn og síðan sprungu þeir á limminu.

Næst eru að undanúrslit.  Get ég ekki séð að það skipti máli hvort við fáum Spán eða Kóreu, en það væri gaman að mæta Kóreu aftur og hefna fyrir tapið.

Svo segi ég bara eins og Silvía Nótt:  Til hamingju Ísland.

Ísland í undanúrslit á ÓL

Athugasemdir

[Ólafur Als, 20.8.2008 kl. 08:43]

Sæll kappi,

ekki get ég nú sagt að vörnin hafi stoppað klippingarnar - þetta er enn vandamál hjá okkur - að þessu sinni bjargaði markvarslan okkur og hve fáa feila við gerðum í sókninni - sem færði Pólverjum fá auðveld mörk. Sammála því að ekki skipti máli hvort um Spánverja eða Kóreubúa verður að ræða - það sem skiptir máli er hugarfarið, nú sem fyrr.

Kveðja,

[Marinó G. Njálsson, 20.8.2008 kl. 08:54]

Óli, hefur þú séð eitthvað frá leik Pólverja og Frakka?  Ég býst ekki við því, því þá mundir þú skilja hvað ég á við.  Í þeim leik klipptu Pólverjarnir kannski þrisvar fjórum sinnum fyrir utan frönsku vörnina í hverri einustu sókn og menn voru í uppstökki þegar þeir klipptu.  Íslenska vörnin leyfði Pólverjunum aldrei að fara í slíkar ógnanir.  Getur þú ímyndað þér 2 metra menn í uppstökki og klippingu á móti frekar lágvöxnu íslensku liði?  Það hefði ekki litið vel út, en þetta var kæft í fæðingu.  Pólverjarnir fengu nær aldrei að taka skrefin sín og uppstökksmörkin þeirra voru oftar en ekki einstaklingsframtak innan punktalínu, sem er algjör andstæða við leik þeirra á móti Frökkum.