Sök bítur sekan - Nokkrar spurningar sem fróðlegt væri að fá svör við

Mér finnst að eigendur og stjórnendur Skipta verði að svara nokkrum spurningum:

1. Hver þarf að afskrifa þessa 75 milljarða, ef af afskrift verður?
2. Hverjum datt í hug að færa 59,3 milljarða sem viðskiptavild?
3. Hver var tilgangurinn með því að færa þessa miklu viðskiptavild?

Mér sýnist þetta með viðskiptavildina vera dæmi um sjúkdóm sem var viðverandi í íslensku viðskiptalífi.  Þegar fyrirtækin sjálf stóðu ekki undir því verði sem menn vildu að þau gerðu, þá var blásið lofti í óefnislegar eignir.  Með þessu var líka hægt að skuldsetja fyrirtækin meira, en rekstur þeirra stendur undir.

Skipta til málsbótar er líklegt a þessir 75 milljarðar séu í erlendri mynt og hafi því hækkað verulega vegna falls krónunnar.  Kaldhæðnin í því er að eigendur Skipta, Exista, bera ekki síst ábyrgð á hruni krónunnar og þar með stökkbreyttri skuldastöðu Skipta.  Segja má að sök bíti sekan.

Þarf að greiða 74 milljarða

Athugasemdir

[Arnór Baldvinsson, 2.12.2010 kl. 20:54]

Sæll Marinó,

Ég gat ekki orða bundist um þetta og bloggaði aðeins um þetta á http://arnorbld.blog.is/blog/arnorbld/entry/1121942/  þar sem ég bar þessa skuldsetninu saman við skuldir AT&T hér í Bandaríkjunum, svona upp á grín.  Þessi skuldsetning er svo yfirgengileg! 

Kveðja,