Leita í fréttum mbl.is

Samtök fjármálafyrirtækja verða við tilmælum talsmanns neytenda og tillögum Hagsmunasamtaka heimilanna

Ég get ekki annað en fagnað því að Samtök fjármálafyrirtækja hafa orðið við tilmælum talsmanns neytenda og tillögum Hagsmunasamtaka heimilanna frá síðast liðnum föstudegi.  Fólust tilmæli talsmanns neytenda í því að afborgun gengistryggðra lána miðist við fasta lága krónutölu og gerðu Hagsmunasamtök heimilanna í framhaldinu tillögu að því að sú krónutala væri á bilinu 5.000 - 5.500 kr. á hverja milljón miðað við upprunalegan höfuðstól lánanna.  Samkvæmt útreikningum Hagsmunasamtaka heimilanna ætti sú krónutala í ölum tilfellum að vera lægri en upphæð samkvæmt greiðsluáætlun.

Nú er bara spurningin hvort fjármálafyrirtækin fari eftir því atriði í tillögum Hagsmunasamtaka heimilanna, að ekki þurfi að fara út í skilmálabreytingar með tilheyrandi skjalagerð, þinglýsingu og kostnaði.  Eins verður forvitnilegt að vita hvort þau fjármálafyrirtæki sem eru með bílalán og önnur slík lán verði við því að takmarka greiðslur við 13.500 - 15.000 kr. fyrir hverja upphaflega milljón, eins og Hagsmunasamtök heimilanna lögðu líka til.

Ég lít svo á, að með tilmælum SFF til aðildarfélaga sinna sé nánast búið að grafa tilmæli Seðlabanka Íslands og Fjármálaeftirlits.  Sýnir sú niðurstaða sem nú hefur fengist að orð eru til alls vís.  Nokkur samskipti hafa verið milli aðila frá 25. júní um niðurstöðu sem sátt gæti orðið um.  Því komu tilmæli Seðlabanka og FME í síðustu viku á óvart.  En núna skapast vonandi friður í þjóðfélaginu og fólk getur betur notið sumarleyfis síns.

Arion banki á hrós skilið fyrir að bregðast svona skjótt við tilmælum SFF og vona ég að önnur fjármálafyrirtæki bregðist einnig hratt við.  

Ég var ekki fyrr búinn að vista færsluna, en hinir tveir bankarnir tilkynntu að þeir ætla að verða við tilmælum SFF og vil ég einnig hrósa þeim fyrir skjót viðbrögð.


mbl.is Greiði 5000 krónur af hverri milljón
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sigurður Haraldsson

Samála nú getum við verið rólegri fram til fyrsta september.

Sigurður Haraldsson, 7.7.2010 kl. 14:49

2 Smámynd: Dingli

Blessaðir öðlingarnir, þökk sé þeim! Með tapað mál í höndunum, yfirvofandi áhlaup, og leppstjórn sína farna frá völdum, fallast þeir á betri díl en AGS bauð til Jóhönnu til Steingríms til Gylfa til FME þar sem Gunnar A. tekur skellinn með Seðlabankanum.

Var nokkuð verið að snúa á okkur með þessu leikriti?

Dingli, 7.7.2010 kl. 16:06

3 Smámynd: Hólmfríður Bjarnadóttir

Þeir vita upp á sig skömmina og vilja heldur fá lítið en ekkert.

Hólmfríður Bjarnadóttir, 7.7.2010 kl. 18:30

4 identicon

Tek undir orð Marinós hér og vil fagna því að SFF taki tilmælum talsmanns neytenda og HH - sýnir jafnframt fáránleikann í tilmælum FME og SE og að fjármálafyrirtækin sjá að leikurinn er tapaður.

Því ber vissulega að fagna - tækifærin hafa verið ansi fá til slíks síðustu tvö ár.

Arney Einarsdóttir (IP-tala skráð) 7.7.2010 kl. 20:17

5 Smámynd: Einar Björn Bjarnason

Þeir sem hafa staðið á framlínunni, Marínó þar á meðal, eiga þakkir skilið.

Takk fyrir.

Kv.

Einar Björn Bjarnason, 7.7.2010 kl. 21:48

6 identicon

"vonandi skapast núna friður í samfélaginu"

Hvað á svona rugl yfirlýsing að þýða? Kannski skapast friður hjá þér og þeim sem skulda gengistryggð lán.

Er eitthvað verið að gera fyrir þá sem skulda verðtryggð lán? Nei, ekki neitt, enda hefur því ekki verið sýndur neinn áhugi.

Núna styttist í að fleiri styðji fasisma og niðurbrot fjármálakerfisins með ofbeldi. Enda er það trúlega eina leiðin til að ALLIR fái sanngjarna skuldameðferð en ekki bara þeir sem skulda gengistryggð lán.

Önnur leið er að hvetja fólk til að yfirgefa Ísland til að sýna yfirvöldum svart á hvítu að hægt er að brjóta niður samfélagið með ýmsum hætti.

Ólafur (IP-tala skráð) 8.7.2010 kl. 19:09

7 Smámynd: Marinó G. Njálsson

Ólafur, ég átti við um þennan þátt.  Ekki taka því að baráttunni vegna verðtryggingarinnar sé lokið.  Því fer víðsfjarri.

Marinó G. Njálsson, 8.7.2010 kl. 21:40

8 Smámynd: Guðmundur Ásgeirsson

Þetta er mikilvægur áfangasigur. Nú verður kné að fylgja kviði.

Guðmundur Ásgeirsson, 9.7.2010 kl. 19:36

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Marinó G. Njálsson
Marinó G. Njálsson
Upplýsingaöryggi og persónuvernd eru mínar ær og kýr, þó ég blaðri um allt og ekkert hér á blogginu. Er í Hagsmunasamtökum heimilanna og berst fyrir réttlæti fyrir heimili í landinu.  Loks er ég faggiltur leiðsögumaður.  Netfangið mitt er mgn@islandia.is og netfang fyrirtækisins oryggi@internet.is.

Heimsóknir

Flettingar

  • Í dag (29.3.): 3
  • Sl. sólarhring: 125
  • Sl. viku: 686
  • Frá upphafi: 1677708

Annað

  • Innlit í dag: 1
  • Innlit sl. viku: 51
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband