Hafa íþróttafréttamenn leik af þessu?

Enn einu sinni kemur arfa vitlaus frétt frá NBA boltanum.  Fyrirsögnin "Golden State komið í úrslitakeppnina" er svo á skjön við sannleikann að það er með ólíkindum að mönnum hafi tekist að finna þetta upp. 

Það er langur vegur frá því að Golden State sé búið að tryggja sér inn í úrslitakeppnina.  Liðið er hálfum leik á undan Denver í vinningshlutfalli, þ.e. GS er 44-27, en DN 44-28, og þessi lið mætast í næsta leik.  Liðið er líka hálfum leik á eftir Dallas (45-27) og síðan er stutt í næstu lið.  Fyrir utan leikinn gegn Denver, þá á GS 10 leiki eftir og auk Denver getur Portland náð GS fari allt á versta veg.  Gangi aftur allt upp, þá getur GS ennþá unnið Vesturdeildina.

Það sem líklega hefur ruglað íþróttafréttamanninn, er að hefði GS spilað í Austurdeildinni, þá hefði sigurinn í gærkveldi tryggt þeim sæti í úrslitakeppninni.  Þetta er bara munurinn á þessum tveimur deildum.  Úr annarri kemst lið með innan við 45% vinningshlutfall í úrslitakeppnina, meðan í hinni kemst lið með yfir 60% vinningshlutfall ekki í úrslitakeppnina. 

Þjálfarinn æsti sig og Golden State vann

Athugasemdir

[Marinó G. Njálsson, 28.3.2008 kl. 12:24]

Það er gott að sjá að mbl.is hafi breytt fréttinni og tekið út alla tilvísun í GS og úrslitakeppnina.  En það er allt í lagi að breyta tímasetningunni á fréttinni í leiðinni til að sýna að um leiðrétta frétt sé að ræða.